ఆడ పాము కోసం రెండు కొండ చిలువల కొట్లాట.. ఇంట్లో సీలింగ్ వేలాడుతూ..
అందులోనూ ఆ రెండు పాములు పెద్ద పెద్ద కొండ చిలువలు. బాగా లావుగా కూడా ఉన్నాయి. వాటిని చూసి అతనికి వెంటనే భయం వేసింది.
కళ్ల ముందు పాము పాకుతూ కనిపిస్తేనే కొద్దిసేపు గుండె ఆగినంత పని అవుతుంది. అలాంటిది రెండు పెద్దపెద్ద కొండ చిలువలు ఇంట్లోకి వెళ్లగానే.. ఆ ఇంటి సీలింగ్ కి వేలాడుతూ.. ఒకదానితో మరొకటి కొట్టుకుంటుంటే.. ఎలా ఉంటుంది. పై ప్రాణం పైనే పోతుంది కదా. ఇలాంటి సంఘటనే ఓ వ్యక్తికి ఎదురైంది.
పూర్తి వివరాల్లోకి వెళితే.. ఆస్ట్రేలియాలోని బ్రిస్బేన్ కి చెందిన ఓ వ్యక్తి పనిమీద బయటకు వెళ్లాడు. తిరిగి ఇంటికి వచ్చేసరికి తన కిచెన్ సీలింగ్ నుంచి రెండు పెద్ద పాములు వేలాడుతూ కనిపించాయి. అందులోనూ ఆ రెండు పాములు పెద్ద పెద్ద కొండ చిలువలు. బాగా లావుగా కూడా ఉన్నాయి. వాటిని చూసి అతనికి వెంటనే భయం వేసింది.
ఇంట్లో నుంచి బయటకు పరుగులు తీశాడు. కాగా.. వెంటనే పాములు పట్టేవారికి సమాచారం అందించాడు. వాళ్లు వచ్చి.. ఆ రెండు పాములను పట్టుకున్నారు. అయితే.. ఆ పాములను పట్టుకున్న వ్యక్తి వాటిని ఫోటోలు తీసి.. సోషల్ మీడియాలో షేర్ చేయగా.. అది కాస్త వైరల్ అయ్యింది. ఆ పాములు... రెండు మగవి కాగా.. మరో ఆడ పాము కోసం కొట్టుకుంటున్నట్లు ఆయన చెప్పాడు.
అయితే.. ఆ ఆడపాము మాత్రం దొరకలేదట. దానికోసం వెతుకుతున్నట్లు చెప్పాడు. తాను చాలా పాములు పట్టుకున్నానని.. కానీ అంత పెద్ద, లావు పాములను మాత్రం పట్టుకోలేదని చెప్పాడు. ఒక పాము 9.5 అడుగుల పొడవు ఉంటే.. మరో పాము 8 అడుగులపైనే ఉందని చెప్పాడు. వాటిని పట్టుకొని అనంతరం అడవిలో వదిలేసినట్లు చెప్పాడు. ఆ రెండు పాములు కొట్టుకునే సమయంలో భారీగా కడుపునిండా తిని ఉన్నాయని చెప్పాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
