ఎమ్మెల్యేల ప్రలోభాల కేసులో సింగిల్ బెంచ్ తీర్పు: లంచ్ మోషన్ దాఖలు చేసిన కేసీఆర్ సర్కార్
ఎమ్మెల్యేల ప్రలోభాల కేసులో సింగిల్ బెంచ్ ఆర్డర్ ను మూడు వారాల పాటు సస్పెన్షన్ చేయాలని కోరుతూ అడ్వకేట్ జనరల్ లంచ్ మోషన్ పిటిషన్ దాఖలు చేశారు.
 )
Followహైదరాబాద్: ఎమ్మెల్యేల ప్రలోభాల కేసులో సింగిల్ బెంచ్ ఆర్డర్ ను మూడు వారాల పాటు సస్పెన్షన్ చేయాలని కోరుతూ హైకోర్టు సింగిల్ బెంచ్ లో పిటిషన్ దాఖలు చేశారు అడ్వకేట్ జనరల్. సింగిల్ బెంచ్ ఆర్డర్ పై స్టే ఇవ్వాలని ఆ పిటిషన్ లో అడ్వకేట్ జనరల్ కోరారు. సుప్రీంకోర్టుకు వెళ్లే వరకు ఈ ఆర్డర్ పై స్టే ఇవ్వాలని అడ్వకేట్ జనరల్ ఆ పిటిషన్ లో ప్రస్తావించారు. ఈ లంచ్ మోషన్ పిటిషన్ ను హైకోర్టు సింగిల్ బెంచ్ విచారణకు స్వీకరించింది. ఇవాళ మధ్యాహ్నం రెండున్నర గంటలకు ఈ పిటిషన్ పై హైకోర్టు సింగిల్ బెంచ్ విచారణ నిర్వహించనుంది.
ఎమ్మెల్యేల ప్రలోభాల కేసు విచారణను సీబీఐకి అప్పగిస్తూ సింగిల్ బెంచ్ ఉత్తర్వులను డివిజన్ బెంచ్ లో కేసీఆర్ సర్కార్ ఈ ఏడాది జనవరి 4వ తేదీన సవాల్ చేసింది. ఈ పిటిషన్ పై నిన్న హైకోర్టు డివిజన్ బెంచ్ తీర్పును వెల్లడించింది. హైకోర్టు సింగిల్ బెంచ్ ఇచ్చిన తీర్పును డివిజన్ బెంచ్ కూడా సమర్ధించింది.
సింగిల్ జడ్జి పరిధిలోని క్రిమినల్ కేసుల విచారణ తమ పరిధిలోకి రాదని నిన్న డివిజన్ బెంచ్ పేర్కొంది. ఈ విషయమై ఏదైనా ఉంటే సుప్రీంకోర్టుకు వెళ్లాలని హైకోర్టు డివిజన్ బెంచ్ నిన్న అడ్వకేట్ జనరల్ కు సూచించింది. అయితే తాము ఈ విషయమై సుప్రీంకోర్టులో అప్పీల్ కు వెళ్లే వరకు తీర్పు అమలును నిలిపివేయాలని అడ్వకేట్ జనరల్ కోరారు. కానీ ఇందుకు హైకోర్టు డివిజ్ బెంచ్ నిరాకరించింది .
ఎమ్మెల్యేల ప్రలోభాల కేసును సీబీఐ విచారణకు అప్పగిస్తూ 2022 డిసెంబర్ 26వ తేదీన తెలంగాణ హైకోర్టు సింగిల్ బెంచ్ తీర్పును వెల్లడించిన విషయం తెలిసిందే. తాము సుప్రీంకోర్టుకు వెళ్లే వరకు ఈ ఆర్డర్ పై సస్పెన్షన్ ను విధించాలని తెలంగాణ హైకోర్టును అడ్వకేట్ జనరల్ కోరారు. లంచ్ మోషన్ పిటిషన్ లో ఇదే విషయాన్ని కోరారు. ఇవాళ మధ్యాహ్నం ఈ పిటిషన్ పై హైకోర్టు సింగిల్ బెంచ్ విచారణ నిర్వహించనుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
