త్వరలోనే TSPSC గ్రూప్-4 ఫలితాలు విడుదల.. వివ‌రాలు ఇవిగో..
Hyderabad: తెలంగాణ రాష్ట్రంలోని 1,540 అసిస్టెంట్‌ ఎగ్జిక్యూటివ్‌ ఇంజినీర్‌ (ఏఈఈ) పోస్టుల భర్తీకి మే 8, 9, 21, 22 తేదీల్లో సీబీఆర్‌టీ విధానంలో రాత పరీక్ష నిర్వహించి, బుధ‌వారం (సెప్టెంబ‌రు 20న) ఫలితాలు విడుదల చేసిన టీఎస్‌పీఎస్సీ.. గ్రూప్-4 ఫలితాలను సైతం త్వరలోనే విడుదల చేయ‌నుంద‌ని సంబంధిత వ‌ర్గాలు తెలిపాయి.
 )
FollowTSPSC Group-4 Results: తెలంగాణలో 1,540 అసిస్టెంట్‌ ఎగ్జిక్యూటివ్‌ ఇంజినీర్‌ (ఏఈఈ) పోస్టుల భర్తీకి మే 8, 9, 21, 22 తేదీల్లో సీబీఆర్‌టీ విధానంలో రాత పరీక్ష నిర్వహించి, బుధ‌వారం (సెప్టెంబ‌రు 20న) ఫలితాలు విడుదల చేసిన టీఎస్‌పీఎస్సీ.. గ్రూప్-4 ఫలితాలను సైతం త్వరలోనే విడుదల చేయ‌నుంద‌ని సంబంధిత వ‌ర్గాలు తెలిపాయి.
వివ‌రాల్లోకెళ్తే.. తెలంగాణ రాష్ట్ర పబ్లిక్ సర్వీస్ కమిషన్ (TSPSC) జూలై 1న నిర్వహించిన గ్రూప్ 4 పరీక్షల ఫలితాలను విడుదల చేయడానికి సన్నాహాలు చేస్తోంది. అక్టోబర్ మొదటి వారంలో ప్రకటన వెలువడే అవకాశం ఉంది. ఫలితాలను ప్రకటించే ముందు, కమిషన్ తుది కీని విడుదల చేస్తుంది. ఇప్ప‌టికే కమిషన్ పరీక్షకు సంబంధించి ప్రిలిమినరీ కీని విడుదల చేసింది. అలాగే, ఆగస్టు 30 నుంచి సెప్టెంబర్ 4 మధ్య అభ్యర్థుల నుండి అభ్యంతరాలను ఆహ్వానించింది.
ప్రాథమిక కీకి సంబంధించిన అభ్యంతరాలను సమీక్ష కోసం నిపుణుల కమిటీకి పంపారు. వారి అంచనా తర్వాత, తుది కీ విడుదల చేయబడుతుంది. కీ డిక్లరేషన్ తర్వాత, కమిషన్ గ్రూప్ 4 ఫలితాలను విడుదల చేస్తుందని సంబంధిత వ‌ర్గాలు పేర్కొన్నాయి. గ్రూప్ 4 సర్వీసుల కోసం, వివిధ ప్రభుత్వ శాఖల్లో 8180 ఖాళీల కోసం కమిషన్ ప్రకటన చేసింది. దాదాపు 9.51 లక్షల మంది రిక్రూట్‌మెంట్‌పై ఆసక్తిని వ్యక్తంచేస్తూ రిజిస్ట‌ర్ చేసుకున్నారు.
అయితే, రిజిస్ట‌ర్ చేసుకున్న వారిలో 7,62,872 మంది అభ్యర్థులు మాత్ర‌మే TSPSC గ్రూప్ 4 పరీక్షకు హాజరయ్యారు. ప్రాథమిక కీకి సంబంధించిన అభ్యంతరాలను స్వీక‌రించ‌డంతో ఫలితాల కోసం పరీక్ష రాసిన‌వారు ఆసక్తిగా ఎదురుచూస్తున్నారు. ఫలితాలు విడుదలయ్యే వరకు, విద్యార్థులు తమ OMR షీట్‌లను కమిషన్ అధికారిక వెబ్‌సైట్‌లో యాక్సెస్ చేయవచ్చున‌ని సంబంధిత వ‌ర్గాలు తెలిపాయి. (TSPSC వెబ్ సైట్ కు వెళ్ల‌డానికి ఇక్కడ క్లిక్ చేయండి).
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
