Telangana Elections 2023: కాంగ్రెస్ కు మద్దతు ప్రకటించిన తెలంగాణ ముస్లిం జేఏసీ..

Muslim JAC declares support to Congress: తెలంగాణ అసెంబ్లీ ఎన్నిక నేప‌థ్యంలో కాంగ్రెస్ పార్టీ దూకుడుగా ముందుకు సాగుతోంది. అన్ని వ‌ర్గాల ప్ర‌జ‌ల‌ను త‌మ‌వైపుకు తిప్పుకుని రానున్న ఎన్నిక‌ల్లో విజ‌యం సాధించి అధికారంలోకి రావాల‌ని చేస్తోంది. అన్ని వ‌ర్గాల ప్ర‌జ‌ల మ‌ద్ద‌తును కూడ‌గ‌డుతోంది. ఈ క్ర‌మంలోనే తెలంగాణ అసెంబ్లీ ఎన్నికల్లో కాంగ్రెస్‌కు తెలంగాణ ముస్లిం సంఘాల జాయింట్ యాక్షన్ కమిటీ (జేఏసీ) మద్దతు ప్రకటించింది. రాష్ట్రవ్యాప్తంగా ఉన్న ముస్లింలు కాంగ్రెస్‌కు ఓటు వేసి తమ ఓటు సత్తా చాటాలని జేఏసీ విజ్ఞప్తి చేసింది. ఎన్నికల తర్వాత కాంగ్రెస్ ప్రభుత్వం ఏర్పాటైతే ముస్లింల జేఏసీ డిక్లరేషన్ డిమాండ్లను అమలు చేసేందుకు కాంగ్రెస్‌పై ఒత్తిడి తీసుకురావడానికి ఈ నిర్ణయం విలువైన సాధనంగా ఉపయోగపడుతుందని జేఏసీ విశ్వసిస్తోంది.

జేఏసీ రాష్ట్ర కన్వీనర్ సయ్యద్ సలీమ్ పాషా, కో-కన్వీనర్ షేక్ యూసుఫ్ బాబా మాట్లాడుతూ వచ్చే ఏడాది జరగనున్న లోక్‌సభ ఎన్నికల్లో కాంగ్రెస్ ప్రభుత్వం ముస్లిం సమాజానికి కట్టుబడిన హామీలను నెరవేర్చడంపైనే ఆధారపడి ఉంటుందన్నారు. జేఏసీ గత రెండేళ్లుగా పనిచేస్తూ తెలంగాణ ముస్లిం డిక్లరేషన్ పేరుతో కార్యాచరణ ప్రణాళికను రూపొందించింది. జూలై 9, 2023న విడుదలైన ముస్లిం డిక్లరేషన్‌లో ముస్లిం సమాజం పురోభివృద్ధి-పురోగతిని పెంపొందించే లక్ష్యంతో 22 ప్రధాన డిమాండ్‌లు ఉన్నాయి. ముస్లిం జేఏసీ రాష్ట్రవ్యాప్తంగా 17 ముస్లిం డిక్లరేషన్ అవగాహన సమావేశాలను నిర్వహించింది. బీఆర్ఎస్ ప్రభుత్వానికి ప్రతిస్పందించడానికి అవకాశం కల్పించింది, కానీ జేఏసీ ప్రతినిధులతో కమ్యూనికేషన్ ఏర్పాటు చేయడానికి ఎటువంటి ప్రయత్నం చేయలేదు. ముస్లిం జేఏసీ పెట్టిన డిమాండ్లను పరిష్కరించడంలో బీఆర్‌ఎస్ మేనిఫెస్టో విఫలమైంది. ఎన్నికల ప్రచారంలో 12 శాతం రిజర్వేషన్‌తోపాటు ముస్లింలకు ఇచ్చిన వాగ్దానాలను జేఏసీ నేతలు ప్రస్తావించడం లేదన్నారు.

కాంగ్రెస్ పార్టీ మైనారిటీ డిక్లరేషన్ డ్రాఫ్టింగ్ కమిటీ తమను సంప్రదించిందని తెలంగాణ ముస్లిం జేఏసీ నేతలు తెలిపారు. ముస్లిం జేఏసీ డిక్లరేషన్ లో పేర్కొన్న లక్ష్యాలను జాగ్రత్తగా మదింపు చేయడానికి కట్టుబడి ఉందనీ, ఎనిమిది ప్రధాన డిమాండ్లను తన మైనారిటీ డిక్లరేషన్ లో పొందుపరిచిందని తెలిపారు. ఈనెల 11న జరిగిన జేఏసీ రాష్ట్ర కమిటీ, జిల్లా కమిటీల ముఖ్యుల సమావేశంలో స్థానికంగా ముస్లింలంతా కాంగ్రెస్‌ వైపు మొగ్గు చూపుతున్నారని మెజారిటీ జిల్లాల నాయకులు అభిప్రాయాన్ని వ్యక్తం చేశారన్నారు. దానికి అనుగుణంగా కాంగ్రెస్ కు మ‌ద్ద‌తు ఇవ్వాల‌ని అన్నారు.  గ‌త వారం రోజులుగా ముస్లిం జేఏసీ రాష్ట్ర నాయకులు ముస్లిం జేఏసీ కార్యకలాపాలను పరిశీలించేందుకు వచ్చిన పలువురు ముస్లిం మేధావులు, ఆలోచనాపరులు, మేధావులతో మాట్లాడి తమ అభిప్రాయాలను వెల్లడించారు. మెజార్టీ జేఏసీ కాంగ్రెస్‌కు మద్దతివ్వాలని సూచించారు. ముస్లిం జనాభా పట్ల బిఆర్‌ఎస్ ప్రభుత్వం ఉద్దేశపూర్వకంగా తన కట్టుబాట్లను విస్మరించిందని ఆరోపించారు. కేంద్రంలోని బీజేపీతో గత 10 ఏళ్లుగా పరస్పర రాజకీయ అవగాహన ఉండడమే ఇందుకు కారణమ‌ని పేర్కొన్నారు.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• Congress
• Muslims
• Revanth Reddy
• Telangana Assembly Elections 2023
• Telangana Elections 2023
• Telangana Muslim JAC