Asianet News TeluguAsianet News Telugu

ప్రతి ఒక్కరికి కరోనా పరీక్షలు: తెలంగాణ హైకోర్టు ఆదేశాలపై సుప్రీం స్టే

 తెలంగాణలో ప్రతి ఒక్కరికీ కరోనా పరీక్షలు నిర్వహించడంపై హైకోర్టు ఇచ్చిన ఆదేశాలపై సుప్రీంకోర్టు బుధవారంనాడు స్టే ఇచ్చింది.కరోనాతో మరణించినవారికి పరీక్షలు నిర్వహించాలని హైకోర్టు ఆదేశాలు జారీ చేసింది.

Supreme court stays on high court orders over corona tests
Author
Hyderabad, First Published Jun 17, 2020, 1:34 PM IST
  • Facebook
  • Twitter
  • Whatsapp


హైదరాబాద్: తెలంగాణలో ప్రతి ఒక్కరికీ కరోనా పరీక్షలు నిర్వహించడంపై హైకోర్టు ఇచ్చిన ఆదేశాలపై సుప్రీంకోర్టు బుధవారంనాడు స్టే ఇచ్చింది.కరోనాతో మరణించినవారికి పరీక్షలు నిర్వహించాలని హైకోర్టు ఆదేశాలు జారీ చేసింది. ఈ ఆదేశాలపై తెలంగాణ ప్రభుత్వం హైకోర్టును  ఆశ్రయించింది.

ఈ పిటిషన్ పై సుప్రీంకోర్టు ఇవాళ విచారించింది. కేంద్ర ప్రభుత్వం, ఐసీఎంఆర్ ఆదేశాలకు అనుగుణంగానే తాము పరీక్షలు నిర్వహిస్తున్నామని సుప్రీంకోర్టుకు తెలిపింది తెలంగాణ ప్రభుత్వం.

also read:చేయాల్సిందే: కరోనా పరీక్షలపై కేసీఆర్ సర్కార్‌కి హైకోర్టు షాక్

ప్రతి ఒక్కరికి కరోనా పరీక్షలు చేయడం సాధ్యం కాదని ప్రభుత్వం తేల్చి చెప్పింది. ఈ విషయమై ప్రతివాదులకు సుప్రీంకోర్టు నోటీసులు జారీ చేసింది. అంతేకాదు హైకోర్టు ఆదేశాలపై స్టే మంజూరు చేసింది. తదుపరి విచారణను రెండు వారాలకు వాయిదా వేసింది.

తెలంగాణలో కరోనా పరీక్షల నిర్వహణపై ప్రోఫెసర్ విశ్వేశ్వరరావు దాఖలు చేసిన పిటిషన్ పై ఈ ఏడాది మే 14వ తేదీన హైకోర్టు ప్రతి ఒక్కరికీ కరోనా పరీక్షలు నిర్వహించాలని ఆదేశాలు జారీ చేసింది. ఈ ఆదేశాలపై సుప్రీంకోర్టులో తెలంగాణ ప్రభుత్వం సుప్రీంకోర్టులో పిటిషన్ దాఖలు చేసిన విషయం తెలిసిందే. ఈ పిటిషన్ పై మరో రెండు వారాల తర్వాత మరోసారి సుప్రీంకోర్టు విచారణ చేయనుంది. 

Follow Us:
Download App:
  • android
  • ios