ఆదిలాబాద్ జిల్లాలో ఓ స్పోర్ట్స్ కోచ్ వికృత చేష్టలు ఆలస్యంగా వెలుగులోకి వచ్చాయి. తన వద్ద శిక్షణ పొందుతున్న బాలికలపై కోచ్ లైంగిక వేధింపులకు పాల్పడిన ఘటన ఉన్నతాధికారులు దృష్టికి చేరడంతో అతడిపై సస్పెన్షన్ వేటు పడింది.
ఆదిలాబాద్ జిల్లాలో ఓ స్పోర్ట్స్ కోచ్ వికృత చేష్టలు ఆలస్యంగా వెలుగులోకి వచ్చాయి. తన వద్ద శిక్షణ పొందుతున్న బాలికలపై కోచ్ లైంగిక వేధింపులకు పాల్పడిన ఘటన ఉన్నతాధికారులు దృష్టికి చేరడంతో అతడిపై సస్పెన్షన్ వేటు పడింది. వివరాలు.. ఆదిలాబాద్ జిల్లాలో స్పోర్ట్స్ స్కూల్లో రవీందర్ అథ్లెటిక్స్ శిక్షకునిగా పనిచేస్తున్నాడు. అయితే అతడు తనవద్ద శిక్షణ పొందుతున్న కొందరు బాలికలతో అనుచితంగా ప్రవర్తించాడు. అయితే బాలికలు భయంతో ఈ విషయాన్ని బయటకు చెప్పలేదు.
అయితే ఇటీవల ఓ బాలికతో కోచ్ అసభ్య చాటింగ్ చేసిన ఘటన వెలుగుచూసింది. దీంతో విద్యార్థిని బంధువులు ఈ విషయాన్ని ప్రిన్సిపాల్ దృష్టికి తీసుకెళ్లారు. దీంతో ప్రిన్సిపాల్ ఈ విషయాన్ని ఉన్నతాధికారులు దృష్టికి తీసుకెళ్లారు. ఈ క్రమంలోనే ఉన్నతాధికారులు విచారణ జరిపారు. ఈ క్రమంలోనే మరో బాలిక కూడా తనతో కోచ్ అసభ్యంగా ప్రవర్తించారని తెలిపింది.
Also Read: కుక్క దాడిలో గాయపడిన చిన్నారి.. 40 రోజులు ప్రాణాలతో పోరాడి మృతి..
ఈ ఘటనపై స్పందించిన జిల్లా కలెక్టర్ రాహుల్ రాజ్.. కోచ్ రవీందర్ను సస్పెండ్ చేస్తూ శనివారం ఉత్తర్వులు జారీచేశారు. అయితే ఈ ఘటన జిల్లాలో తీవ్ర కలకలం రేపింది. బాలికలపై లైంగిక వేధింపులకు పాల్పడిన కోచ్పై కఠిన చర్యలు తీసుకోవాలని పలువురు డిమాండ్ చేస్తున్నారు.
