రఘు వంశీ గ్రూప్ కొనుగోలు చేసిన యూకే ప్రెసిషన్ మెషినింగ్ కంపెనీ
హైదరాబాద్ కు చెందిన రఘు వంశీ ఏరోస్పేస్ గ్రూప్, యూకేకు చెందిన ప్రెసిషన్ మెషినింగ్ కంపెనీ (పీఎంసీ) గ్రూపును కొనుగోలు చేసింది. ఈ కొనుగోలు ద్వారా రఘు వంశీ గ్రూప్ అంతర్జాతీయంగా విస్తరించి, ఆయిల్ అండ్ గ్యాస్ రంగంలోకి ప్రవేశిస్తోంది.
 )
Followహైదరాబాద్ : యూకేకు చెందిన ప్రముఖ ప్రెసిషన్ మెషినింగ్ కంపెనీ (పీఎంసీ) గ్రూపును విజయవంతంగా కొనుగోలు చేసింది హైదరాబాద్ కు చెందిన ఎరోస్పేస్ గ్రూప్ రఘు వంశీ. ఆయిల్ అండ్ గ్యాస్ పరిశ్రమకు సంబంధించిన విడిభాగాల ఉత్పత్తితో ఈ యూకే కంపనీ ప్రత్యేకమైనది. ఇలాటి కంపనీ రఘువంశీ సంస్థ చేతికి రావడం గొప్పవిషయం.
బోయింగ్, జీఈ ఏవియేషన్, హనీవెల్, రోల్స్ రాయిస్, కాలిన్స్ ఏరోస్పేస్, హాలీబర్టన్, ఈటన్, సైటివా వంటి అంతర్జాతీయ సంస్థ‌ల‌కు హై-క్రిటికల్ కాంపోనెంట్స్, సబ్-అసెంబ్లింగ్స్ తయారు చేసే టైర్ వన్ తయారీదారు రఘు వంశీ గ్రూప్. పీఎంసీ గ్రూపు కొనుగోలు ద్వారా రఘు వంశీ గ్రూప్ అంతర్జాతీయ స్థాయిలో మరింత గుర్తింపు పొందింది. ప్రపంచవ్యాప్తంగా కీలకమైన పరిశ్రమలకు ఉత్పత్తులు, పరిష్కారాలను అందించడంలో, వాల్యూ చైన్‌ను మరింత పెంచడం ద్వారా అంతర్జాతీయంగా విస్తరించడానికి, తన సామర్థ్యాలను విస్తరించడానికి రఘు వంశీ గ్రూపు ఇలా వ్యూహాత్మక ముందడుగు వేసింది.
పీఎంసీ గ్రూపు నైపుణ్యం రఘువంశీ గ్రూపు అత్యాధునిక తయారీ సౌకర్యాలను మెరుగుపరుస్తుంది... ఉత్పత్తి ఆవిష్కరణలో ఉపయోగపడుతుంది. ఇంకా ఆయిల్ ఆండ్ గ్యాస్ రంగంలో అధునాతన ఇంజనీరింగ్ పరిష్కారాలను అందిస్తుంది. భారతదేశం, యూకేలకు చెందిన వినియోగదారులకు త‌క్కువ ఖ‌ర్చులో అత్యంత సునిశిత‌మైన ప‌రిక‌రాల‌ను అందిస్తాయి.
పీఎంసీ గ్రూపు.. తన ప్రిసిషన్ మాన్యుఫ్యాక్చరింగ్ సామర్థ్యాలలో 35 సంవత్సరాలకు పైగా ఉన్న గొప్ప అనుభవం, లోతైన జ్ఞానాన్ని అందిస్తుంది. ఎస్ఎల్‌బీ, బేకర్ హ్యూస్, హాలీబర్టన్, ఎక్స్‌ప్రో, టెక్ ఎఫ్ఎంసీ, వన్ సబ్ సీ వంటి గ్లోబల్ ఆయిల్ ఆండ్ గ్యాస్ ఓఈఎంల‌కు ఇది సరఫరా చేస్తుంది. నికెల్ అల్లాయ్స్ లో 6 మీటర్ల పొడవు వరకు సంక్లిష్ట‌మైన విడిభాగాలు, అసెంబ్లింగ్ ల తయారీ సామర్ధ్యాలతో ఈ గ్రూప్ సుమారు 100 మంది ఉద్యోగులను, రూ.180 కోట్ల ఆదాయాన్ని కలిగి ఉంది.
ఈ కొనుగోలు ప్ర‌క‌టన చేసేందుకు ఏర్పాటుచేసిన ఒక ప్రత్యేక కార్యక్రమంలో భారత్ లో యూకే డిప్యూటీ హైకమిషనర్ గారెత్ వైన్ ఓవెన్, తెలంగాణ ఐటీఈ అండ్ సీ, పరిశ్రమలు, వాణిజ్య శాఖ‌ల ప్రత్యేక ప్రధాన కార్యదర్శి జయేశ్ రంజన్, తెలంగాణ ఏరోస్పేస్ అండ్ డిఫెన్స్ డైరెక్టర్ ప్రవీణ్ పీఏ, మిధాని సీఎండీ డాక్టర్ ఎస్ కే ఝా, ఏఆర్‌సీఐ శాస్త్రవేత్త డాక్టర్ ఎల్.రామకృష్ణ పాల్గొన్నారు.
ఈ సంద‌ర్భంగా రఘువంశీ గ్రూప్ ఎండి శ్రీ వంశీ వికాస్ మాట్లాడుతూ... “రఘువంశీ కుటుంబంలోకి పీఎంసీ గ్రూపును స్వాగతించడం మాకు చాలా సంతోషంగా ఉంది. ఈ కొనుగోలు ఇప్పుడు మా ఉత్పత్తి బలాలను, సునిశిత మెషీనింగ్‌లో పీఎంసీ గ్రూపువారి నైపుణ్యంతో మిళితం చేస్తుంది. దీనివ‌ల్ల మా అంతర్జాతీయ ఉనికిని విస్తరించడానికి, అత్యంత సునిశిత ఉత్ప‌త్తుల విస్తృత విభాగాన్ని రూపొందించ‌డానికి సాయ‌ప‌డుతుంద‌ని మేం సంతోషిస్తున్నాము.మా పోర్ట్‌ఫోలియో మా సంప్ర‌దాయ ఏరోస్పేస్, డిఫెన్స్ రంగాలను దాటి.. పెరుగుతున్న యూరోపియన్ మార్కెట్లలోకి ప్రవేశంతో చమురు, గ్యాస్ రంగాలను చేర్చడానికి కూడా వీల‌వుతుంది” అని తెలిపారు.
భారత్ లో యూకే డిప్యూటీ హైకమిషనర్ గారెత్ వైన్ ఓవెన్ కూడా ఈ కార్యక్రమంలో పాల్గొని, యూకే-భారత్ వ్యాపార సంబంధాలకు సానుకూల పరిణామంగా ఈ కొనుగోలు ప్రాముఖ్యతను వివరించారు. “అధునాతన తయారీ, సాంకేతిక పరిజ్ఞానంలో యూకే, భారత్ మధ్య పెరుగుతున్న సహకారానికి ఈ కొనుగోలు ఒక ప్రధాన ఉదాహరణ. ఈ భాగస్వామ్యం ప్రపంచ మార్కెట్లో రెండు కంపెనీల స్థానాలను ఎలా మెరుగుపరుస్తుందో చూడటానికి మేము ఎదురుచూస్తున్నాము” అని గారెత్ వైన్ ఓవెన్ అన్నారు.
తెలంగాణ ఐటీఈ అండ్ సీ, పరిశ్రమలు, వాణిజ్య శాఖ‌ల ప్రత్యేక ప్రధాన కార్యదర్శి జయేశ్ రంజన్ మాట్లాడుతూ, “ఈ కొనుగోలు అత్యంత వ్యూహాత్మక మైలురాయి. భారతీయ ఎంఎస్ఎంఈ అయిన రఘు వంశీకి, వందేళ్ల‌కుపైగా చ‌రిత్ర క‌లిగిన యూకేకు చెందిన ప్రసిద్ధ సునిశిత ఉత్పాద‌క సంస్థ పీఎంసీక మధ్య మొదటిది. భారతీయ పరిశ్రమలు అంతర్జాతీయ స్థాయిలో ఎలా విస్తరించగలవు, అత్యున్నత స్థాయిలో ఎలా పోటీపడగలవు అనేదానికి ఇది ఒక ప్రధాన ఉదాహరణగా పనిచేస్తుంది. మిధానీ, ఏఆర్‌సీఐ లాంటి ప్రధాన భారతీయ పీఎస్‌యూలు ప్రత్యేకమైన ముడి పదార్థాలు, అధునాతన ఇంజనీరింగ్ పూతలను సరఫరా చేస్తున్నాయి. తద్వారా అత్యున్నత నాణ్యతా ప్రమాణాలను కొనసాగిస్తూనే ప్రపంచ డిమాండ్ ను తీర్చగల స్థానిక పర్యావరణ వ్యవస్థను పెంపొందిస్తోంది. హైదరాబాద్ న‌గ‌రానికి చెందిన ఎంఎస్ఎంఈ బహుళజాతి కంపెనీగా రూపాంతరం చెందడం నిజంగా స్ఫూర్తిదాయకం” అని ప్ర‌శంసించారు.
అధునాతన ఇంజనీరింగ్ సామర్థ్యాలతో కూడిన రఘు వంశీ గ్రూప్ యొక్క ప్రపంచ స్థాయి తయారీ సౌకర్యాలు ఇప్పటికే భారతీయ ర‌క్షణ రంగం, అంత‌రిక్ష ప‌రిశోధ‌న ల్యాబ్స్ కోసం కీలకమైన కార్యక్రమాలకు మద్దతు ఇస్తున్నాయి. ఈ కొనుగోలుతో, గ్లోబల్ ఓఈఎంల అభివృద్ధి చెందుతున్న అవసరాలను తీర్చడానికి కంపెనీ తన పోర్ట్‌ఫోలియోను విస్తరించాలని లక్ష్యంగా పెట్టుకుంది. నాణ్యత, ఖచ్చితత్వం అనే అత్యున్నత ప్రమాణాలకు అనుగుణంగా అత్యాధునిక పరిష్కారాలను అందిస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
