ట్రయాంగిల్ లవ్ స్టోరీ: ప్రియురాలి స్నేహితురాలితో ఎఫైర్, ట్విస్టిచ్చిన ఫస్ట్ లవర్
ప్రేమించానని నమ్మించి ఆమెతో సహజీవనం చేస్తున్న ప్రేమ్‌కుమార్ అనే యువకుడు తన ప్రియురాలి స్నేహితురాలితో కూడ లవ్ అఫైర్ నడిపాడు.అయితే ఈ విషయమై సహజీవనం చేస్తున్న యువతి ప్రేమ్‌ను నిలదీయడంతో ఆమెపై దాడికి పాల్పడ్డాడు.
హైదరాబాద్:ప్రేమించానని నమ్మించి ఆమెతో సహజీవనం చేస్తున్న ప్రేమ్‌కుమార్ అనే యువకుడు తన ప్రియురాలి స్నేహితురాలితో కూడ లవ్ అఫైర్ నడిపాడు.అయితే ఈ విషయమై సహజీవనం చేస్తున్న యువతి ప్రేమ్‌ను నిలదీయడంతో ఆమెపై దాడికి పాల్పడ్డాడు. అంతేకాదు చంపేస్తానని బెదిరించాడు. బాధితురాలి ఫిర్యాదు మేరకు ప్రేమ్‌ను అదుపులోకి తీసుకొని విచారిస్తున్నారు.
హైద్రాబాద్‌లోని బంజారాహిల్స్ రోడ్ నెంబర్ 12లోని శ్రీరాంనగర్‌లో నివాసం ఉంటున్న ప్రేమ్‌కుమార్ స్థానికంగా ఉంటున్న ఓ యువతితో పరిచయం ఏర్పడింది.ఈ పరిచయం ప్రేమకు దారి తీసింది. ఆమెను పెళ్లి చేసుకొంటానని నమ్మించాడు. వీరిద్దరూ అదే ప్రాంతంలో ఓ ఇంటిని అద్దెకు తీసుకొని సహ జీవనం చేస్తున్నారు.
ప్రేమ్‌కుమార్ లవర్ స్నేహితురాలు తరచూ ఆ గదికి వచ్చేది. తన స్నేహితురాలిని కలుసుకొనేందుకు ఆమె తరచూ రాకపోకలు సాగించేది. ఈ తరుణంలోనే ప్రేమ్ కుమార్‌ కు కూడ ఆమెతో పరిచయం ఏర్పడింది.
ఈ పరిచయాన్ని ఆసరాగా చేసుకొన్న ప్రేమ్‌కుమార్ ఆమెతో కూడ ప్రేమాయాణం సాగించాడు.ఆమెను కూడా లోబర్చుకొన్నాడు. ఈ విషయం తెలిసిన సహజీవనం చేస్తున్న యువతి ప్రేమ్‌కుమార్ ను నిలదీసింది. దీంతో ప్రేమ్ రెచ్చిపోయాడు ఆ యువతిపై దాడికి పాల్పడ్డాడు. అంతేకాదు చంపేస్తానని కూడ బెదిరింపులకు పాల్పడ్డాడు.
రెండో యువతితోనే తాను ఉంటానని చెప్పాడు. దీంతో బాధితురాలు పోలీసులను ఆశ్రయించింది. పోలీసులు ప్రేమ్‌కుమార్ ను అరెస్ట్ చేశారు.కేసు నమోదు చేసుకొని దర్యాప్తు చేస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
