యూట్యూబ్ నటితో అసభ్యంగా ప్రవర్తించిన డ్రైవర్ పై బంజారాహిల్స్ పోలీస్ స్టేషన్ లో కేసు నమోదైంది. ఎస్సై రవిరాజ్ తెలిపిన వివరాల ప్రకారం... ఫిలింనగర్ కి చెందిన ఓ యువతి(32) యూట్యూబ్ లో నటి గా రాణిస్తోంది. ఈ నెల 13న ఆమె కేరళలోని పద్మనాభ స్వామిని దర్శించుకునేందుకు అక్కడికి వెళ్లింది.

యువతితోపాటు ఆమె డ్రైవర్ షేక్ ఇబ్రహీం వెళ్లాడు. కాగా.. ఇబ్రహీంకు మాదకద్రవ్యాల అలవాటు ఉందని.. అతను సమయానికి ఆ డ్రగ్ తీసుకోకపోవడంతో తనతో అసభ్యంగా ప్రవర్తించాడని యువతి పేర్కొంది. దీంతో.. సదరు నటి పోలీసులను ఆశ్రయించింది. ఆమె ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు.