హాజీపూర్ సీరియల్ రేపిస్ట్ కేసు: ఈ నెల 27 తుది తీర్పు
హాజీపూర్ సీరియల్ హత్యల కేసులో ఈ నెల 27వ తేదీన తుది తీర్పు వెలువర్చనుంది నల్గొండ ఫాస్ట్‌ట్రాక్ కోర్టు.
ఈ నెల 27వ తేదీన హాజీపూర్‌లో ముగ్గురు మైనర్ బాలికలపై అత్యాచారం, హత్య కేసులో నల్గొండ పాస్ట్‌ట్రాక్ కోర్టు తుది తీర్పు ఇవ్వనుంది.
Also read:హాజీపూర్ కేసు: ఉరిశిక్ష విధించాలి, ముగిసిన ప్రాసిక్యూషన్ వాదనలు
ముగ్గురు మైనర్ బాలికలపై అత్యాచారం, హత్య కేసులో సుమారు గంటపాటు శుక్రవారంనాడు ఫాస్ట్‌ట్రాక్ కోర్టు ఈ కేసుపై విచారణ జరిపింది. ఈ కేసు విచారణను ఈ నెల 20వ తేదీకి వాయిదా వేసింది.ఈ కేసు తుది తీర్పును 27న ఇవ్వనున్నట్టు పాస్ట్‌ట్రాక్ కోర్టు తేల్చి చెప్పింది.
Also Read:జాలి, దయ అక్కర్లేదు...హాజీపూర్ శ్రీనివాస్‌‌‌కి ఉరే సరి
15 రోజులుగా హాజీపూర్ కేసులో నిందితుడు శ్రీనివాస్ రెడ్డిని ఫాస్ట్‌ట్రాక్ కోర్టు విచారణ చేస్తోంది. రెండు కేసుల్లో శ్రీనివాస్ రెడ్డి తన వాదనలను విన్పించారు.
Also Read:నాపై తప్పుడు కేసు పెట్టారు: హాజీపూర్ నిందితుడు శ్రీనివాస్ రెడ్డి
తాను అమాయకుడిని అంటూ శ్రీనివాస్ రెడ్డి ఫాస్ట్‌ట్రాక్ కోర్టు ముందు వివరించారు. అయితే శ్రీనివాస్ రెడ్డి వాదనను ప్రభుత్వ తరపు లాయర్ ఖండించారు. ఈ కేసులో పోలీసులు సేకరించిన శాస్త్రీయ ఆధారాలను కూడ ఇప్పటికే కోర్టుకు సమర్పించారు.
అయితే శ్రీనివాస్ రెడ్డిని తమకు అప్పగించాలని మృతుల కుటుంబసభ్యులు డిమాండ్ చేస్తున్నారు. శ్రీనివాస్ రెడ్డి విషయంలో ఫాస్ట్ ట్రాక్‌ కోర్టు ఏ రకమైన తీర్పును వెల్లడించనుందనే విషయమై సర్వత్రా ఉత్కంఠ నెలకొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
