చిన్నకొండూరులో మొరాయించిన ఈవీఎం: పోలింగ్ కేంద్రంలోనే కూర్చున్న ఓటర్లు
చౌటుప్పల్ మండలం చిన్నకొండూరులో పోలింగ్ బూత్ లో గురువారంనాడు ఈవీఎం పనిచేయలేదు. నియోజకవర్గంలోని కొన్ని ప్రాంతాల్లో ఈవీఎంలు పని చేయకుండా మొరాయించాయి. దీంతో వాటిని మార్చి కొత్త ఈవీఎంలతో పోలింగ్ నిర్వహించారు.
 )
Followచౌటుప్పల్:చౌటుప్పల్ మండలం చిన్నకొండూరులోని ఓ పోలింగ్ బూత్ లో గురువారం నాడు ఈవీఎం పనిచేయలేదు.. ఓటు హక్కును వినియోగించుకొనేందుకు పోలింగ్ కేంద్రం వద్దకు వచ్చిన ఓటర్లు పోలింగ్ కేంద్రంలోనే కూర్చున్నారు. ఈవీఎంను రిపేర్ చేసేందుకు బీహెచ్ఈఎల్ కు చెందిన ఇంజనీర్ల కోసం ప్రిసైడింగ్ అధికారులు ఎదురు చూస్తున్నారు.
మునుగోడు అసెంబ్లీ నియోజకవర్గంలోని కొంపల్లిలోని 145 పోలింగ్ బూత్ లో ఈవీఎం పనిచేయలేదు. మరో వైపు సంస్థాన్ నారాయణపురం మండలం అల్లందేవిచెర్వు లోని 82 పోలింగ్ బూత్ లో కూడ ఈవీఎం పనిచేయలేదు. ఇదే తరహలో చిన్నకొండూరులోని పోలింగ్ బూత్ లో కూడ ఇదే రకమైన పరిస్థితి చోటు చేసుకుంది. ఓటు హక్కును వినియోగించుకొనేందుకు వచ్చిన ఓటర్లు ఈవీఎంలు పనిచేయకపోవడంతో పోలింగ్ కేంద్రంలోనే కూర్చుండిపోయారు. చండూరు మంండలం కొండాపూర్ లోని 178 పోలింగ్ బూత్ లో ఈవీఎం మొరాయించింది. దీంతో పాత ఈవీఎం స్థానంలో కొత్త ఈవీఎం ను మార్చి ఓటింగ్ నిర్వహిస్తున్నారు అధికారులు.
also read:పోలీసులు టీఆర్ఎస్ కు అనుకూలంగా వ్యవహరిస్తున్నారు:కోమటిరెడ్డి రాజగోపాల్ రెడ్డి
ఈ ఏడాది ఆగస్టు 8వ తేదీన మునుగోడు ఎమ్మెల్యే పదవికి కాంగ్రెస్ కోమటిరెడ్డి రాజగోపాల్ రెడ్డి రాజీనామా చేశారు. దీంతో ఈ స్థానానికి ఇవాళ ఉప ఎన్నిక నిర్వహిస్తున్నారు. ఎమ్మెల్యే పదవికి రాజీనామా చేయడానికి నాలుగు రోజుల ముందే కోమటిరెడ్డి రాజగోపాల్ రెడ్డి కాంగ్రెస్ పార్టీకి రాజీనామా చేశారు. అదే నెల 21న బీజేపీలో చేరారు. 2018లో కాంగ్రెస్ అభ్యర్ధిగా ఈ స్థానం నుండి కోమటిరెడ్డి రాజగోపాల్ రెడ్డి విజయం సాధించారు. ఈ దఫా బీజేపీ అభ్యర్ధిగా బరిలో కి దిగారు. కాంగ్రెస్ అభ్యర్ధిగా పాల్వాయి స్రవంతి, టీఆర్ఎస్ అభ్యర్ధిగా కూసుకుంట్ల ప్రభాకర్ రెడ్డి పోటీలో ఉన్నారు. ఈ నియోజకవర్గంలో 2,41855 మంది ఓటర్లు తమ ఓటు హక్కును వినియోగించుకునేందుకు అధికారులు ఏర్పాట్లు చేశారు. మునుగోడు ఉప ఎన్నికల్లో 47 మంది అభ్యర్ధులు బరిలో నిలిచారు. 47 మందిలో ప్రధానంగా మూడు పార్టీల మధ్య పోటీ నెలకొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
