టీఆర్ఎస్ ఎమ్మెల్యేలకు ప్రలోభాలు:ఆ ముగ్గురికి 41 ఎ సీఆర్‌పీసీ నోటీసులు
మొయినాబాద్ ఫాంహౌస్ లో నలుగురు టీఆర్ఎస్ ఎమ్మెల్యేలను ప్రలోభాలకు గురి చేశారనే ఆరోపణలు ఎదుర్కొంటున్న ముగ్గురు నిందితులకు ఇవాళ పోలీసులు 41 సీఆర్‌పీసీ సెక్షన్ కింద నోటీసులు జారీ చేశారు.
 )
Followహైదరాబాద్:టీఆర్ఎస్ ఎమ్మెల్యేలను ప్రలోభాలకు గురి చేశారనే ఆరోపణలు ఎదుర్కొంటున్న ముగ్గురికి మొయినాబాద్ పోలీసులు 41 సీఆర్‌పీసీ సెక్షన్ కింద నోటీసులు జారీ చేశారు. ఇవాళ విచారణకు రావాలని పోలీసులు ఆ నోటీసులో పేర్కొన్నారు.
మొయినాబాద్ ఫాం హౌస్ లో టీఆర్ఎస్ కు చెందిన నలుగురు ఎమ్మెల్యేలను ప్రలోభాలకు గురి చేశారనే ముగ్గురిపై తాండూరు ఎమ్మెల్యే పైలెట్ రోహిత్ రెడ్డి పోలీసులకు పిర్యాదు చేశారు. ఈ ఫిర్యాదు మేరకు ఈ నెల 26న రాత్రి ముగ్గురిని పోలీసులు అరెస్ట్ చేశారు. ఢిల్లీకి చెందిన రామచంద్రభారతి, తిరుపతికి చెందిన సింహయాజీ, హైద్రాబాద్ కు చెందిన నందులను పోలీసులు అరెస్ట్ చేశారు. నిన్న రాత్రి ఈ ముగ్గురిని పోలీసులు సరూర్ నగర్ లో ఉన్న జడ్జి నివాసంలో హాజరుపర్చారు. అయితే ఈ ముగ్గురిపై పోలీసులు పీడీ యాక్ట్ నమోదు చేయడాన్ని జడ్జి తప్పు బట్టారు.పీడీ యాక్ట్ వర్తించదని జడ్జి తేల్చి చెప్పారు. 41 సీఆర్‌పీసీ సెక్షన్ కింద నోటీసులు ఇచ్చి విచారించాలని జడ్జి ఆదేశించారు. ఈ ఆదేశాల మేరకు పోలీసులు ఈ ముగ్గురికి 41 సీఆర్‌పీసీ సెక్షన్ కింద నోటీసులు జారీ చేశారు. ఇవాళ విచారణకు రావాలని ఆదేశించారు.
ఈ నెల26న మొయినాబాద్ ఫాం హౌస్ లో నలుగురు టీఆర్ఎస్ ఎమ్మెల్యేలను ప్రలోభాలకు గురి చేశారని ఈ ముగ్గురిపై ఆరోపణలు వచ్చాయి. తాండూరు ఎమ్మెల్యే పైలెట్ రోహిత్ రెడ్డి ఇదే విషయమై మొయినాబాద్ పోలీసులకు పిర్యాదు చేశాడు. ఈ ఫిర్యాదు ఆదారంగా వీరిని పోలీసులు అరెస్ట్ చేశారు. అయితే నిందితులపై నమోదు చేసిన పీడీ యాక్ట్ పై జడ్జి ఆగ్రహం వ్యక్తం చేయడంతో పోలీసులు 41 సీఆర్ పీసీ సెక్షన్ కింద నోటీసులు జారీ చేశారు.
also read:కేసీఆర్ కు బండి సంజయ్ సవాల్: యాదాద్రికి బయలుదేరిన బీజేపీ తెలంగాణ చీఫ్
తమ పార్టీకి చెందిన నలుగురు ఎమ్మెల్యేలను బీజేపీ ప్రలోభాలకు గురి చేసిందని టీఆర్ఎస్ ఆరోపించింది. ఈ ఆరోపణలను బీజేపీ తీవ్రంగా ఖండించింది. మునుగోడులో ఓటమి పాలౌతున్నామని భావించి టీఆర్ఎస్ తమపై తప్పుడు ప్రచారానికి ఈ డ్రామాకు తెరతీసిందని బీజేపీ తెలిపింది.. ఎమ్మెల్యేలను ప్రలోభాలకు గురి చేయలేదని యాదాద్రి ఆలయంలో ప్రమాణం చేసేందుకు రావాలని బండి సంజయ్ కేసీఆర్ కు సవాల్ విసిరారు. ఈ సవాల్ నేపథ్యంలో మర్రిగూడ నుండి బండి సంజయ్ యాదాద్రి ఆలయానికి బయలుదేరి వెళ్లారు. మునుగోడు ఉప ఎన్నికల్లో విజయం కోసం టీఆర్ఎస్ నేతలు తప్పుడు ప్రచారం చేస్తున్నారని బీజేపీ నేతలు విమర్శించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
