Asianet News TeluguAsianet News Telugu

పేకాడుతూ దొరికిన మంత్రి మల్లారెడ్డి సోదరుడు..!

మల్లారెడ్డి గార్డెన్స్‌ ప్రాంతంలో ఓ ఫంక్షన్‌ హాల్‌లో పేకాట ఆడుతున్నారన్న పక్కా సమాచారం మేరకు ఉత్తర మండలం టాస్క్‌ఫోర్స్‌ బృందం బుధవారం దాడులు నిర్వహించింది.

Minister MallaReddy Brother arrested by police While playing cards
Author
Hyderabad, First Published Jun 17, 2021, 7:19 AM IST

తెలంగాణ మంత్రి మల్లారెడ్డి సోదరుడు చామకూర నర్సింహారెడ్డి(66) పేకాట ఆడుతూ పోలీసులకు అడ్డంగా దొరికిపోయాడు. కాగా... ఈ ఘటనకు సంబంధించిన పూర్తి వివరాలు ఇలా ఉన్నాయి. నర్సింహారెడ్డి గత కొద్దిరోజులుగా తన స్నేహితులతో కలసి న్యూ బోయిన్‌పల్లిలోని మల్లారెడ్డి గార్డెన్స్‌ ప్రాంతంలో ఓ ఫంక్షన్‌ హాల్‌లో పేకాట ఆడుతున్నారన్న పక్కా సమాచారం మేరకు ఉత్తర మండలం టాస్క్‌ఫోర్స్‌ బృందం బుధవారం దాడులు నిర్వహించింది.


ఈ దాడుల్లో నర్సింహారెడ్డి (66)తో పాటుగా కౌడి సాయిలు (44), నర్సింహారావు (65), హనుమంతు (58), సుదర్శన్‌రెడ్డి (64), మోహన్‌రెడ్డి (49), భాస్కర్‌రెడ్డి (49), గోవర్ధన్‌రెడ్డి (42), జనార్ధన్‌రెడ్డి (42), శ్రీనివాసరాజు (57), వెంగళ్‌రెడ్డి (43), నర్సిరెడ్డి (64), కృష్ణ (40)లు పేకాడుతూ పోలీసులకు పట్టుబడ్డారు. వీరిని అరెస్టు చేసి విచారణ నిమిత్తం నిందితులను బోయిన్‌పల్లి పోలీసు స్టేషన్‌లో అప్పగించారు. నిందితుల నుంచి రూ.1,40,740ల నగదును 13 సెల్‌ఫోన్లను స్వాధీనం చేసుకున్నారు. అనంతరం నిందితులను స్టేషన్‌ బెయిల్‌పై విడుదల చేశారు.  

Follow Us:
Download App:
  • android
  • ios