సర్దార్ సర్వాయి పాపన్న జిల్లాగా..‘జనగామ’...
శ్రీనివాస్ గౌడ్ మాట్లాడుతూ 33 కోటలను జయించి, బహుజనుల రాజ్యాధికారం కోసం పోరాడిన సర్దార్ సర్వాయి పాపన్న గౌడ్ ను రాజుగా కీర్తించాలన్నారు. ఢిల్లీ ప్రభుత్వాన్ని గడగడ లాడించిన వ్యక్తి, సర్దార్ సర్వాయి పాపన్న గౌడ్ అని కొనియాడారు.
 )
Followజనగామ జిల్లాకు సర్దార్ సర్వాయి పాపన్న జిల్లాగా పేరు పెట్టే అంశాన్ని సీఎం కేసీఆర్ దృష్టికి తీసుకెళ్లనున్నట్లు మంత్రి శ్రీనివాస్ గౌడ్ తెలిపారు. మంగళవారం కొమురవెళ్లి మండల కేంద్రంతో పాటు ఐనపూర్, రసూలబాద్, గౌరయపల్లి గ్రామాల్లో.. సర్దార్ సర్వాయి పాపన్న గౌడ్ విగ్రహాలను మంత్రి ఆవిష్కరించారు. ఎమ్మెల్యే ముత్తిరెడ్డి యాదగిరి రెడ్డి తదితరులు పాల్గొన్నారు.
ఈ సందర్భంగా శ్రీనివాస్ గౌడ్ మాట్లాడుతూ 33 కోటలను జయించి, బహుజనుల రాజ్యాధికారం కోసం పోరాడిన సర్దార్ సర్వాయి పాపన్న గౌడ్ ను రాజుగా కీర్తించాలన్నారు. ఢిల్లీ ప్రభుత్వాన్ని గడగడ లాడించిన వ్యక్తి, సర్దార్ సర్వాయి పాపన్న గౌడ్ అని కొనియాడారు.
గౌడ కులస్తులకు హైదరాబాద్ లో రూ. 300 కోట్ల విలువైన స్థలాన్ని కేటాయించి, రూ.50 కోట్లతో గౌడ ఆత్మగౌరవ భవనాన్ని నిర్మించేందుకు చర్యలు తీసుకుంటున్నట్లు చెప్పారు. రంగునీల్లకు లక్షల రూపాయలు ఖర్చు చేసే రోజుల్లో, చెట్టు నుంచి వచ్చే స్వచ్ఛమైన కల్లును బహిరంగ అమ్మకాలు జరిపేలా చర్యలు తీసుకుంటామని తెలిపారు.
గత ప్రభుత్వాలు కల్లును చిన్నచూపు చూశాయన్నారు. బహుజన నాయకుల పట్ల విమర్శలు చేస్తున్న వారిమీద తిరుగుబాటుకు సిద్ధం కావాలని పిలుపునిచ్చారు. ఎదుగుతున్న బహుజన నాయకత్వానికి బహుజనులంతా అండగా ఉండాలని మంత్రి పేర్కొన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
