Asianet News TeluguAsianet News Telugu

న్యూ ఇయర్ రోజున కాంగ్రెస్ ఎమ్మెల్యే చిలిపి చేష్టలు.. వీడియో వైరల్.. కాంగ్రెస్ రియాక్షన్ ఇదే

నూతన సంవత్సర వేడుకల్లో మానకొండూర్ ఎమ్మెల్యే, కాంగ్రెస్ లీడర్ కవ్వంపల్లి సత్యనారాయణ తీరు చర్చనీయాంశమైంది. ఓ మహిళ చెంపకు కేక్ పూశారు. నెటిజన్లు ఈ వీడియోపై మండిపడగా.. కాంగ్రెస్ దీన్ని బీఆర్ఎస్ తప్పుడు ప్రచారంగా కొట్టేసింది.
 

manakondur mla kavvampally satyanarayana inappropriate behaviour in a viral video with a woman kms
Author
First Published Jan 2, 2024, 4:42 PM IST

kavvampally satyanarayana: ఓ కాంగ్రెస్ ఎమ్మెల్యే నూతన సంవత్సర వేడుకల్లో శృతి మించారు. చిలిపి చేష్టలు చేశారు. ఓ మహిళ పట్ల అభ్యంతరకరంగా ప్రవర్తించారు. ఇందుకు సంబంధించిన వీడియో సోషల్ మీడియాకు ఎక్కడంతో ఇప్పుడు వైరల్ అవుతున్నది. నెటిజన్లు ఆ ఎమ్మెల్యే తీరుపై విరుచుకుపడుతున్నారు.

మానకొండూరు కాంగ్రెస్ ఎమ్మెల్యే కవ్వంపల్లి సత్యనారాయణ న్యూ ఇయర్ వేడుకలు నిర్వహించారు. ఈ వేడుకలకు జిల్లాలోని మంత్రి, హుస్నాబాద్ ఎమ్మెల్యే పొన్నం ప్రభాకర్‌ కూడా హాజరయ్యారు. నూతన సంవత్సరం సందర్భంగా అక్కడ కేక్ కట్ చేశారు. ఆ కేక్‌ పీస్‌లను ఒకరికి ఒకరు తినిపించుకుంటూ విషెస్ చెప్పుకున్నారు. ఇదే సమయంలో కవ్వంపల్లి సత్యనారాయణ వెనుక వైపు నుంచి తోసుకుంటూ వచ్చారు. మంత్రి పొన్నం ప్రభాకర్‌నూ పక్కకు నెట్టి అక్కడే ఉన్న ఓ మహిళకు చెంపకు కేక్ పూశారు. ఆమె సున్నితంగానైనా అడ్డుకునే ప్రయత్నం చేస్తున్నా.. ఎమ్మెల్యే మళ్లీ మళ్లీ కేక్ పూశారు. ఆమె అసౌకర్యంగా ఫీల్ అయినట్టు కనిపించారు.

Also Read: Kishan Reddy:సిట్టింగ్ ఎంపీలకు టికెట్ కన్ఫామా? మందక్రిష్ణకూ టికెట్? జనసేనతో పొత్తు ఉంటదా?.. కిషన్ రెడ్డి వివరణ

అయితే, ఈ వీడియో సోషల్ మీడియాలో వైరల్ అవుతున్నది. నెటిజన్లు మండిపడుతున్నారు. వీడియోపై తీవ్ర వ్యతిరేకత రావడంతో కాంగ్రెస్ స్పందించింది. బీఆర్ఎస్ చేస్తున్న తప్పుడు ప్రచారాన్ని ఖండించింది. నిజానికి ఆ మహిళ సదరు ఎమ్మెల్యేకు బంధువేనని పేర్కొంది. కాంగ్రెస్‌ ప్రభుత్వానికి వస్తున్న ఆదరణను ఓర్వలేక బీఆర్ఎస్ ఈ తప్పుడు ప్రచారానికి పూనుకుందని ఫైర్ అయింది.

Follow Us:
Download App:
  • android
  • ios