బైక్ దొంగతనం.. నగ్నంగా నగర వీధుల్లో తిరుగుతూ హల్ చల్
అక్కడి నుంచి బేగంపేట లో షికార్లు కొట్టాడు. దీంతో... ఈ విషయం పోలీసులకు తెలియడంతో.. పట్టుకోవడానికి ప్రయత్నించినా.. దొరకకుండా పారిపోయాడు.
ఓ వ్యక్తి బైక్ దొంగతనం చేశాడు. అక్కడితో ఆగాడా.. ఆ బైక్ పై నగ్నంగా... ఒంటిపై నూలు పోగు లేకుండా రోడ్లపై తిరగడం గమనార్హం. పోలీసులు అతనని పట్టుకోవడానికి ప్రయత్నించగా.. దొరకకుండా పారిపోయాడు. కాగా.. ఈ నగ్న రైడర్ కోసం పోలీసులు గాలింపులు ముమ్మరం చేశారు.
పూర్తి వివరాల్లోకి వెళితే...గుర్తు తెలియని యువకుడు ఒకరు హైదరాబాద్ నగరంలోని లంగర్ హౌస్ పోలీస్ స్టేషన్ పరిధిలో ఓ ద్విచక్రవాహనాన్ని చోరీ చేశాడు. ఈ ఘటనలో బాధితులకు ఇప్పటికే పోలీసులకు ఫిర్యాదు చేశారు. కాగా.. దొంగతనం చేసిన తర్వాత ఆ బైక్ ని నగ్నంగా ఎక్కి.. నగరంలో పర్యటించాడు.
తొలుత తొలుత హైదరాబాద్ పోలీస్ కమిషనరేట్‌లోని బోయిన్‌పల్లి పరిధిలోకి వచ్చే కంటోన్మెంట్‌ ఏరియాలో హల్‌చల్‌ చేశాడు. ఆపై బొల్లారంలోని మిలటరీ ప్రాంతంలో సంచరించాడు. అక్కడి నుంచి బేగంపేట లో షికార్లు కొట్టాడు. దీంతో... ఈ విషయం పోలీసులకు తెలియడంతో.. పట్టుకోవడానికి ప్రయత్నించినా.. దొరకకుండా పారిపోయాడు.
దీంతో ఆగ్రహంతో ఊగిపోయిన సదరు యువకుడు వాహనాన్ని అక్కడే పడేసి వారిపై రాళ్ల దాడికి దిగాడు. అదను చూసుకుని పార్క్‌ లోపలికి వెళ్లిన అతను అక్కడి నుంచి తప్పించుకున్నాడు. సతన్‌నగర్‌ పోలీసులు ఆ ద్విచక్ర వాహనాన్ని స్వాధీనం చేసుకున్నారు. అది రిజిస్టరై ఉన్న చిరునామా, ఫోన్ నంబర్‌ ఆధారంగా అతడిని గుర్తించాలని ప్రయత్నించారు.
అయితే ఆ వాహనం చోరీపై లంగర్‌హౌస్‌ ఠాణాలో కేసు నమోదై ఉన్నట్లు తేలింది. దీంతో సనత్‌నగర్‌ పోలీసులు వాహనాన్ని బుధవారం ఆ పోలీస్ స్టేషన్ అధికారులకు అప్పగించారు. సదరు యువకుడి కోసం చోరీ కేసు ఉండటంతో లంగర్‌హౌస్‌ అధికారులు, న్యూసెన్స్‌ చేసినందుకుగాను మెంటల్‌ హెల్త్‌ యాక్ట్‌ కింద కేసు పెట్టాలని సనత్‌నగర్‌ పోలీసులు గాలిస్తున్నారు.
మూడు కమిషనరేట్ల పరిధిలోనూ ఈ గాలింపు కొనసాగుతోంది. ప్రధానంగా లంగర్‌హౌస్‌ సహా వివిధ ప్రాంతాల్లోని సీసీ కెమెరాల్లో నమోదైన ఫీడ్‌ను పరిశీలిస్తున్నారు. ఆ యువకుడు నగ్నంగా బైక్ నడుపుతుండగా మిలటరీ ఏరియాలో వెనుక నుంచి వెళ్తూ కొందరు వాహన చోదకులు వీడియో తీశారు. కాగా.. అతనికి మతి స్థిమితం సరిగా లేదని పోలీసులు అనుమానిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
