ఫ్లోరైట్ బాధితుడు అంశాల స్వామికి సొంత ఇంటికల నెరవేరింది. నల్గొండ ఫ్లోరైడ్ ముఖచిత్రంగా దేశవ్యాప్తంగా అందరికీ సుపరిచితుడు అంశాల స్వామి. గతంలో అంశాల స్వామి జీవనాధారం కోసం ప్రత్యేకంగా ఒక హెయిర్ కటింగ్ సెలూన్ ని మంత్రి కేటీఆర్ ఏర్పాటు చేయించిన విషయం తెలిసిందే. ఈ రోజు అంశాల స్వామికి పక్కా ఇల్లుని అందించనున్నట్లు కేటీఆర్ తెలిపారు.
ఫ్లోరైట్ బాధితుడు అంశాల స్వామికి సొంత ఇంటికల నెరవేరింది. నల్గొండ ఫ్లోరైడ్ ముఖచిత్రంగా దేశవ్యాప్తంగా అందరికీ సుపరిచితుడు అంశాల స్వామి. గతంలో అంశాల స్వామి జీవనాధారం కోసం ప్రత్యేకంగా ఒక హెయిర్ కటింగ్ సెలూన్ ని మంత్రి కేటీఆర్ ఏర్పాటు చేయించిన విషయం తెలిసిందే. ఈ రోజు అంశాల స్వామికి పక్కా ఇల్లుని అందించనున్నట్లు కేటీఆర్ తెలిపారు.
ప్రభుత్వం నుంచి అంశాల స్వామికి డబుల్ బెడ్ రూమ్ ఇళ్లు మంజూరు చేయాలని మంత్రి కేటీఆర్ స్థానిక జిల్లా కలెక్టర్ కి ఆదేశాలు జారీ చేశారు. అంశాల స్వామికి ఇల్లు నిర్మించి ఇచ్చే బాధ్యతను తీసుకోవాల్సిందిగా పార్టీ సీనియర్ నాయకులు కర్నాటి విద్యాసాగర్ కు సూచించారు.
మంత్రి కె.తారక రామారావు జన్మదినం సందర్భంగా ప్రారంభించిన గిఫ్ట్ ఏ స్మైల్ కార్యక్రమంలో భాగంగా తన సొంత ఊరు పరిసర గ్రామ నివాసి అయిన అంశాల స్వామికి పక్కా ఇల్లు అందించేందుకు విద్యాసాగర్ ముందుకొచ్చారు.
ఈమేరకు అంశాల స్వామి మంత్రి కేటీఆర్ ని ప్రగతిభవన్లో ఈరోజు కలిశారు. ఈ సందర్భంగా అంశాల స్వామికి సంబంధించిన యోగక్షేమాలను అడిగి తెలుసుకున్న మంత్రి, ఆయనకు పక్కా ఇంటి నిర్మాణానికి సంబంధించిన పూర్తి భరోసా ఇచ్చారు. ఈ మేరకు స్వామి ఇల్లు నిర్మాణం పూర్తయ్యేంత వరకు సంపూర్ణ బాధ్యత తీసుకోవాలని విద్యాసాగర్ కి సూచించారు.
విద్యాసాగర్ కి సొంత ఇంటి నిర్మాణ బాధ్యత తీసుకొనేందుకు ముందుకు వచ్చిన విద్యాసాగర్ ని మంత్రి కేటీఆర్ అభినందించారు. దీనిమీద లబ్ధిదారుడు అంశాల స్వామి స్పందిస్తూ సంతోషం వ్యక్తం చేశాడు. గతంలోనే తన జీవనం సాఫీగా సాగేందుకు ఏర్పాట్లు చేసి, ఇప్పుడు తన సొంత ఇంటి కల నెరవేర్చుతునందుకుమంత్రి కేటీఆర్ కు ధన్యవాదాలు తెలిపారు.
నల్గొండ జిల్లాలో ఇప్పటికే మిషన్ భగీరథ ద్వారా ఫ్లోరైడ్ సమస్య నుంచి క్రమంగా విముక్తి లభిస్తుందని స్వామి అన్నారు. ఈ సందర్భంగా ముఖ్యమంత్రి కే చంద్రశేఖరరావు గారిని కలిసి ప్రత్యేక ధన్యవాదాలు తెలుపుతానని అంశాల స్వామి అన్నారు.
