జగిత్యాల ప్రేమ దేశం కథలో ట్విస్ట్: ఆర్ఎక్స్ 100 ఎఫెక్ట్
ఆర్ఎక్స్ 100 సినిమా ప్రభావంతో జగిత్యాలలో ఇద్దరు టెన్త్ విద్యార్థులు ఆత్మహత్యకు పాల్పడ్డారు.
జగిత్యాల: ఆర్ఎక్స్ 100 సినిమా ప్రభావంతో జగిత్యాలలో ఇద్దరు టెన్త్ విద్యార్థులు ఆత్మహత్యకు పాల్పడ్డారు.ప్రేమ విఫలమైందని ఈ ఇద్దరు విద్యార్థులు సజీవదహనం చేసుకొన్నారని పోలీసులు ప్రాథమికంగా నిర్ధారణకు వచ్చారు.
జగిత్యాలలోని ఓ ప్రైవేట్ స్కూల్‌లో పదోతరగతి చదువుతున్న మహేందర్, రవితేజలు ఆత్మహత్య చేసుకొన్న ఘటన ప్రస్తుతం సంచలనంగా మారింది. ఒకే అమ్మాయిని లవ్ చేశారని... ఈ విషయమై ఇద్దరు స్నేహితులు పరస్పరం నిప్పంటించుకొని మృతి చెందారు.
ఈ ఘటనకు సంబంధించి పోలీసులు ప్రాథమికంగా దొరికిన ఆధారాల ప్రకారంగా సమాచారాన్ని సేకరించారు. వీరిద్దరితో పాటు మరో స్నేహితుడు ప్రణయ్ కూడ కొద్దిసేపు చనిపోయిన వారితో ఉన్నాడు. ప్రణయ్‌తో పాటు ఇతర స్నేహితుల వద్ద పోలీసులు సమాచారాన్ని సేకరించినట్టు సమాచారం.
ఈ ఘటనకు సంబంధించి పోలీసు ఉన్నతాధికారి ఒకరు ఈ విషయాన్ని మీడియాకు వివరించారు. ఆర్ఎక్స్ 100 సినిమా ప్రభావంతోనే విద్యార్థులు ఆత్మహత్యకు పాల్పడ్డారని ఆయన చెప్పారు.
తమ ప్రేమ వైఫల్యం కారణంగానే వీరిద్దరూ కూడ ఆత్మహత్య చేసుకొన్నారని ఆయన తెలిపారు. అయితే ఇదిలా ఉంటే ఈ ఘటనపై అనేక అనుమానాలను మహేందర్ తల్లిదండ్రులు వ్యక్తం చేస్తున్నారు.
సంబంధిత వార్తలు
జగిత్యాల ప్రేమ దేశం కథ: ఆ మూడో వ్యక్తి ఎవరు, ఏమయ్యాడు?
ప్రేమదేశం సినిమా తరహాలో ఒక అమ్మాయి కోసం... (వీడియో)
టెన్త్ విద్యార్థుల సజీవదహనం..వారి గొడవలు మాకు తెలియదు: స్కూలు యజమాన్యం
ఒకే అమ్మాయిని ప్రేమించి... బూడిదగా మిగిలిన ఇద్దరు స్నేహితులు
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
