Asianet News TeluguAsianet News Telugu

Hyderabad fire accident: కాలి బూడిదైన శివపార్వతి థియేటర్

హైదరాబాదులోని కూకట్ పల్లిలో గల శివపార్వతి సినిమా థియేటర్ అగ్నికి ఆహుతి అయింది. ఆదివారం అర్థరాత్రి దాటిన తర్వాత అగ్నిప్రమాదం చోటు చేసుకుంది. ఈ ప్రమాదంలో థియేటర్ పూర్తిగా కాలిపోయింది.

Hyderabad fire accident: Shiva Pravathi theatre gutted at KPHB
Author
Kukatpally, First Published Jan 3, 2022, 7:25 AM IST

హైదరాబాద్: తెలంగాణ రాష్ట్ర రాజధాని హైదరాబాదులోని కూకట్ పల్లిలో ఘోరమైన అగ్నిప్రమాదం సంభవించింది. కేపీహెచ్ బీ కాలనీలోని శివపార్వతి సినిమా థియేటర్ కాలి బూడదైంది. ఆదివారం అర్థరాత్రి దాటిన తర్వాత 2.20 గంటల ప్రాంతంలో ఈ Fire Accident సంభవించింది. సిబ్బంది అప్రమత్తమయ్యేలోగానే థియేటర్ కాలి బూడిదైంది. 

మంటలను ఆర్పడానికి మూడు ఫైర్ ఇంజన్లను వాడారు. మంటలను ఆర్పడానికి దాదాపు రెండు గంటల సమయం పట్టింది. ఈ ప్రమాదంలో ప్రాణ నష్టమేమీ సంభవించలేదు. దాదాపు రూ. 2 కోట్ల మేరకు ఆస్తి నష్టం సంభవించినట్లు భావిస్తున్నారు. 

ఆదివారం రాత్రి సెకండ్ షో సినిమా ముగిసిన తర్వాత సెక్యూరిటీ సిబ్బంది తాళాలు వేశారు. ఆ తర్వాత శివపార్వతి థియేటర్ లో మంటలు ఎగిసిపడ్డాయి. థియేటర్ లోని సీట్లతో పాటు ప్రొజెక్టర్, తెర మొత్తం కాలి బూడిదయ్యాయి. షార్ట్ సర్క్యూట్ అగ్ని ప్రమాదానికి కారణమని పోలీసులు చెబుతున్నారు. 

Follow Us:
Download App:
  • android
  • ios