తెలంగాణ సీఎం ఓవర్సీస్ స్కాలర్‌షిప్ స్కీమ్ గడువు పెంపు..
Hyderabad: తెలంగాణ సీఎం ఓవర్సీస్ స్కాలర్‌షిప్ స్కీమ్ గడువు పొడిగింపును ప్రభుత్వం ప్ర‌క‌టించింది. ఇప్పటి వరకు, ఓవర్సీస్ స్కాలర్‌షిప్ కోసం రాష్ట్రవ్యాప్తంగా మైనారిటీ విద్యార్థుల నుండి 600 పైగా ఆన్‌లైన్ దరఖాస్తులు వచ్చాయ‌ని సంబంధిత అధికారులు తెలిపారు.
 )
FollowTelangana CM Overseas Scholarship Scheme: విదేశాల్లోని మైనారిటీ విద్యార్థుల ఉన్నత విద్యకు తోడ్పాటునందించే తెలంగాణ సీఎం ఓవర్సీస్ స్కాలర్‌షిప్ పథకానికి దరఖాస్తుల సమర్పణ గడువును ప్రభుత్వం సెప్టెంబర్ 25 వరకు పొడిగించింది. 2023 సంవ‌త్స‌రం కోసం ఆన్‌లైన్ దరఖాస్తు ప్రక్రియలో సెంటర్ ఫర్ గుడ్ గవర్నెన్స్‌లో సాంకేతిక సమస్య ఎదురైనందున ఈ నిర్ణయం తీసున్న‌ట్టు సంబంధిత అధికారులు తెలిపారు. అంత‌కుముందు టెక్నిక‌ల్ సమస్య కార‌ణంగా నాలుగు రోజుల దరఖాస్తు చేసుకోవ‌డానికి అంత‌రాయం ఏర్పడింది. ఈ క్ర‌మంలోనే అప్లికేషన్ విండో ఇప్పుడు సెప్టెంబర్ 25 సాయంత్రం 5 గంటల వరకు తెరిచి ఉంటుందని తెలిపారు.
దరఖాస్తు గడువును పొడిగిస్తూ మైనారిటీ సంక్షేమ శాఖ ప్రిన్సిపల్ సెక్రటరీ, కమిషనర్ సయ్యద్ ఒమర్ జలీల్ ఉత్తర్వులు జారీ చేశారు. ఈ పొడిగింపు ప్రారంభ దరఖాస్తు వ్యవధిలో సాంకేతిక లోపం వల్ల ప్రభావితమైన మైనారిటీ విద్యార్థులకు సమాన అవకాశాలను అందించడం లక్ష్యంగా పెట్టుకుంది. ఇప్పటి వరకు, ఓవర్సీస్ స్కాలర్‌షిప్ కోసం రాష్ట్రవ్యాప్తంగా మైనారిటీ విద్యార్థుల నుండి 600 పైగా ఆన్‌లైన్ దరఖాస్తులు వచ్చాయి. ఈ స్కాలర్‌షిప్‌కు అర్హత పొందడానికి, ఇంజనీరింగ్ లేదా పోస్ట్-గ్రాడ్యుయేషన్ ప్రోగ్రామ్‌లను అభ్యసించే అభ్యర్థులు తమ సంబంధిత కోర్సులలో కనీసం 60 శాతం మార్కులను పొందినట్లు రుజువును సమర్పించాలి. అదనంగా, దరఖాస్తుదారు సంరక్షకుల వార్షిక ఆదాయం రూ. 5 లక్షలకు మించకూడదు.
త‌గిన విద్యార్హత కలిగిన విద్యార్థులు యునైటెడ్ స్టేట్స్, యునైటెడ్ కింగ్‌డమ్, ఆస్ట్రేలియా, కెనడా, సింగపూర్, ఫ్రాన్స్, జర్మనీ, జపాన్, న్యూజిలాండ్, దక్షిణ కొరియా వంటి దేశాలలో విశ్వవిద్యాలయాలలో ప్రవేశం పొందవచ్చు. దరఖాస్తులను ఆన్‌లైన్‌లో https://telanganaepass.cgg.gov.in/ వెబ్‌సైట్‌లో సమర్పించవచ్చు. ఆ త‌ర్వాత దరఖాస్తుదారులు తమ సర్టిఫికెట్ల మూడు సెట్ల జిరాక్స్ కాపీలను సెప్టెంబర్ 30 సాయంత్రం 5 గంటలలోపు సంబంధిత జిల్లా మైనార్టీ సంక్షేమ కార్యాలయంలో అందించాలి. స్కాలర్‌షిప్ దరఖాస్తుదారుల నుండి అనుమతి ప్రక్రియను సులభతరం చేయడానికి బదులుగా పెద్ద మొత్తంలో డబ్బును అక్రమంగా వసూలు చేస్తున్న మధ్యవర్తులపై కఠిన చర్యలు తీసుకోవాలని మైనారిటీ సంక్షేమ శాఖ ప్రిన్సిపల్ సెక్రటరీ జిల్లా మైనార్టీ సంక్షేమ అధికారులను ఆదేశించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
