తెలంగాణ అసెంబ్లీ ఎన్నికలు : 45 మందితో రెండో జాబితా ప్రకటించిన కాంగ్రెస్.. లిస్ట్‌ ఇదే

తెలంగాణ అసెంబ్లీ ఎన్నికల నేపథ్యంలో కాంగ్రెస్ పార్టీ 45 మందితో తన రెండో జాబితాను విడుదల చేసింది. కొద్దిరోజుల క్రితం కాంగ్రెస్ పార్టీ 55 మందితో తొలి జాబితాను ప్రకటించిన సంగతి తెలిసిందే. తాజా 45 మందితో కలిపి మొత్తం 100 స్థానాలకు కాంగ్రెస్ పార్టీ అభ్యర్ధులను ఖరారు చేసినట్లయ్యింది

Congress announce 45 names in 2nd candidates list for telangana assembly elections 2023 ksp

Siva Kodati

First Published Oct 27, 2023, 7:57 PM IST | Last Updated Oct 27, 2023, 8:26 PM IST

తెలంగాణ అసెంబ్లీ ఎన్నికల నేపథ్యంలో కాంగ్రెస్ పార్టీ 45 మందితో తన రెండో జాబితాను విడుదల చేసింది. అభ్యర్ధుల ఎంపికపై పలుమార్లు భేటీ అయి సుధీర్ఘ కసరత్తు చేసిన అనంతరం కాంగ్రెస్ స్క్రీనింగ్ కమిటీ , కేంద్ర ఎన్నికల కమిటీ ఎట్టకేలకు రెండో జాబితాకు ఆమోదముద్ర వేసింది. తొలి జాబితాలో చోటు దక్కని పలువురు సీనియర్ నేతల పేర్లు సెకండ్ లిస్ట్‌లో అవకాశం కల్పించారు.

దివంగత పీజేఆర్ కుటుంబంలో కుమార్తె విజయారెడ్డికి ఖైరతాబాద్ నుంచి అవకాశం కల్పించగా.. కుమారుడు విష్ణువర్ధన్ రెడ్డికి మాత్రం మొండిచేయి ఇచ్చింది కాంగ్రెస్ హైకమాండ్. ఆయనకు బదులుగా జూబ్లీహిల్స్ నుంచి టీమిండియా మాజీ కెప్టెన్ మొహమ్మద్ అజారుద్దీన్‌కు టికెట్ కేటాయించింది. రెండ్రోజుల క్రితం బీజేపీ నుంచి కాంగ్రెస్‌లోకి వచ్చిన కోమటిరెడ్డి రాజగోపాల్ రెడ్డికి మరోసారి మునుగోడు స్థానాన్ని కట్టబెట్టింది.

అంతకుముందు కొద్దిరోజుల క్రితం కాంగ్రెస్ పార్టీ 55 మందితో తొలి జాబితాను ప్రకటించిన సంగతి తెలిసిందే. తాజా 45 మందితో కలిపి మొత్తం 100 స్థానాలకు కాంగ్రెస్ పార్టీ అభ్యర్ధులను ఖరారు చేసినట్లయ్యింది. ఇంకా 19 స్థానాలకు అభ్యర్ధులను ఎంపిక చేయాల్సి వుంది. ఈ స్థానాలకు ఆశావహులు ఎక్కువగా వుండటంతో హైకమాండ్ వీటిని పెండింగ్‌లో పెట్టింది. త్వరలోనే ఈ 19 స్థానాలకు కూడా అభ్యర్ధులను ప్రకటించనుంది కాంగ్రెస్.

ఏ నియోజవర్గంలో ఎవరంటే :