Asianet News TeluguAsianet News Telugu

కేంద్ర మంత్రి గజేంద్ర షెకావత్ కి కరోనా: అపెక్స్ కౌన్సిల్ సమావేశం వాయిదా

ఈ నెల 25వ తేదీన జరగాల్సిన అపెక్స్ కౌన్సిల్ సమావేశం  వాయిదా పడింది. కేంద్ర జల్ శక్తి మంత్రి గజేంద్ర షెకావత్ కు కరోనా సోకడంతో ఈ సమావేశం వాయిదా పడింది.ఈ  సమావేశం వాయిదా పడడం ఇది రెండోసారి.
 

apex council meeting postponed due to Gajendra shekhawat tested corona positive
Author
Hyderabad, First Published Aug 23, 2020, 12:17 PM IST

న్యూఢిల్లీ: ఈ నెల 25వ తేదీన జరగాల్సిన అపెక్స్ కౌన్సిల్ సమావేశం  వాయిదా పడింది. కేంద్ర జల్ శక్తి మంత్రి గజేంద్ర షెకావత్ కు కరోనా సోకడంతో ఈ సమావేశం వాయిదా పడింది.ఈ  సమావేశం వాయిదా పడడం ఇది రెండోసారి.

ఈ నెల 5వ తేదీన అపెక్స్ కౌన్సిల్ సమావేశం నిర్వహించాలని కేంద్ర జల్ శక్తి మంత్రిత్వశాఖ నిర్ణయం తీసుకొంది. అయితే అదే రోజుల తెలంగాణ కేబినెట్ సమావేశం ఏర్పాటు చేసిన కారణంగా  ఈ సమావేశాన్ని వాయిదా వేయాలని తెలంగాణ సీఎం కేసీఆర్ కేంద్ర జల్ మంత్రిత్వశాఖకు లేఖ రాశాడు. ఈ లేఖ ఆధారంగా  అపెక్స్ కౌన్సిల్ సమావేశాన్ని ఈ నెల 25వ తేదీన ఏర్పాటు చేసింది కేంద్ర జల్ శక్తి మంత్రిత్వశాఖ.

also read:కేంద్ర జల్‌శక్తి మంత్రి గజేంద్ర షెకావత్ కు కరోనా: అపెక్స్ కౌన్సిల్ వాయిదాకు ఛాన్స్

ఈ సమావేశానికి రెండు రాష్ట్రాలు సమాయత్తమౌతున్నాయి. ఈ తరుణంలో కేంద్ర జల్ శక్తి మంత్రి గజేంద్ర షెకావత్ కు  ఈ నెల 20వ తేదీన కరోనా సోకింది. దీంతో ఆయన ఆసుపత్రిలో చేరాడు. ఈ పరిణామాల నేపథ్యంలో ఈ నెల 25వ తేదీన జరగనున్న అపెక్స్ కౌన్సిల్ సమావేశాన్ని వాయిదా వేస్తున్నట్టుగా కేంద్ర జల్ శక్తి మంత్రిత్వశాఖ రెండు రాష్ట్రాలకు సమాచారం ఇచ్చింది.

కేంద్ర మంత్రి గజేంద్ర షెకావత్  ఆరోగ్యం మెరుగుపడిన తర్వాత ఈ సమావేశాన్ని నిర్వహించే అవకాశం ఉంది. త్వరలోనే కొత్త తేదీని ప్రకటిస్తామని కేంద్ర జల్ మంత్రిత్వశాఖ తెలిపింది.

Follow Us:
Download App:
  • android
  • ios