Asianet News TeluguAsianet News Telugu

మరో టీఆర్ఎస్ ఎమ్మెల్యేకు కరోనా పాజిటివ్: భార్యాకుమారులకు సైతం..

మరో టీఆర్ఎస్ ఎమ్మెల్యే కోరనా వైరస్ బారిన పడ్డారు. కుత్బుల్లాపూర్ ఎమ్మెల్యే వివేకానంద గౌడ్ కు కరోనా వైరస్ పాజిటివ్ ఉన్నట్లు నిర్ధారణ అయింది. ఆయన భార్యకు, కుమారుడికి కరోనా పాజిటివ్ తేలింది.

Another TRS MLA Vivekanada tested Corona positive
Author
Hyderabad, First Published Jul 20, 2020, 9:03 AM IST
  • Facebook
  • Twitter
  • Whatsapp

హైదరాబాద్: తెలంగాణ రాష్ట్రంలో కరోనా వైరస్ వ్యాప్తి కొనసాగుతూనే ఉంది. సాధారణ ప్రజలే కాదు, ప్రజాప్రతినిధులు కూడా కరోనా వైరస్ బారిన పడుతున్నారు. తాజాగా మరో టీఆర్ఎస్ ఎమ్మెల్యేకు కరోనా వైరస్ పాజిటివ్ నిర్ధారణ అయింది. 

కుత్బుల్లాపూర్ శాసనసభ్యుడు వివేకానంద గౌడ్ కు కరోనా వైరస్ పాజిటివ్ తేలింది. ఆయన భార్య సౌజన్య, కుమారుడు విధాత్ లకు కూడా కరోనా వైరస్ సోకినట్లు వైద్యులు ఆదివారంనాడు తెలిపారు. దీంతో వివేకానంద గౌడ్ కుటుంబ సభ్యులు ఇంట్లోనే వేర్వేరు గదుల్లో హోం క్వారంటైన్ లో ఉండి చికిత్స తీసుకుంటున్నారు. 

గతంలో టీఆర్ఎస్ ఎమ్మెల్యేలు గణేష్ గుప్తా, ముత్తిరెడ్డి యాదగిరి రెడ్డి, బాజిరెడ్డి గోవర్ధన్ లకు కరోనా వైరస్ పాజిటివ్ నిర్ధారణ అయిన విషయం తెలిసిందే. కాంగ్రెసు సీనియర్ నేత వి. హనుమంతరావు కూడా కోరనా వైరస్ కు చికిత్స పొంది ఆస్పత్రి నుంచి డిశ్చార్జీ అయ్యారు. 

ఇదిలావుంటే, ఆదివారంనాటి లెక్క ప్రకారం.... తెలంగాణలో 1,296 మందికి పాజిటివ్‌గా తేలినట్లు వైద్య ఆరోగ్య శాఖ ప్రకటించింది. వీటితో కలిపి తెలంగాణలో కరోనా కేసుల సంఖ్య 45,076కి చేరింది. ఇవాళ రాష్ట్రంలో కోవిడ్‌తో ఆరుగురు మరణించారు.వీరితో తెలంగాణలో మృతుల కేసుల సంఖ్య 415కి చేరుకుంది. 

కరోనా నుంచి ఇప్పటి వరకు 32,438 మంది డిశ్చార్జ్ అవ్వగా.. ప్రస్తుతం రాష్ట్రంలో 12,224 యాక్టివ్ కేసులు ఉన్నాయి. ఇవాళ ఒక్క హైదరాబాద్‌లోనే 557 పాజిటివ్ కేసులు నమోదవ్వగా.. రంగారెడ్డి 111, వరంగల్ అర్బన్‌లో 117‌ మందికి పాజిటివ్‌గా తేలింది.

Follow Us:
Download App:
  • android
  • ios