తెలంగాణాలో మరో తెరాస ఎమ్మెల్యేకి కరోనా
మిర్యాలగూడ ఎమ్మెల్యే కూడా చేరిపోయాడు. భాస్కర్ రావు కు కూడా కరోనా సోకింది. జలుబు, దగ్గు లక్షణాలతో ఆయన ఆస్పత్రిలో చేరారు. వైద్యులు పరీక్షలు నిర్వహించగా భాస్కర్ రావుకు పాజిటివ్ గా నిర్ధారణ అయింది.
 )
Followకరోనా వైరస్ సామాన్యుడు సెలబ్రిటీ, ప్రజా ప్రతినిధి అన్న తేడా లేకుండా అందరికి సోకుతుంది. ఇప్పటికే తెలంగాణాలో పలువురు ప్రజాప్రతినిధులు మంత్రులు కరోనా బారినపడ్డ విషయం తెలిసిందే. ఇదే జాబితాలోకి మిర్యాలగూడ ఎమ్మెల్యే కూడా చేరిపోయాడు. భాస్కర్ రావు కు కూడా కరోనా సోకింది.
జలుబు, దగ్గు లక్షణాలతో ఆయన ఆస్పత్రిలో చేరారు. వైద్యులు పరీక్షలు నిర్వహించగా భాస్కర్ రావుకు పాజిటివ్ గా నిర్ధారణ అయింది. అటు మిర్యాలగూడ తహసీల్దార్‌తో పాటు ఇద్దరు రెవిన్యూ సిబ్బందికి కూడా పాజిటివ్ వచ్చింది. దీంతో వీరికి వైద్యం అందిస్తున్నారు.
ఇకపోతే.... తెలంగాణలో కరోనా ఉగ్రరూపం కొనసాగుతోంది. కొత్తగా 1,597 మందికి పాజిటివ్‌గా తేలినట్లు రాష్ట్ర వైద్య ఆరోగ్య శాఖ ప్రకటించింది. వీటితో కలిపి మొత్తం కేసుల సంఖ్య 39,342కి చేరింది. తెలంగాణలో ఇవాళ కరోనాతో 11 మంది మృతి చెందడంతో మొత్తం మరణాల సంఖ్య 386కి చేరుకుంది.
బుధవారం ఒక్క హైదరాబాద్‌లోనే 796 కరోనా కేసులు నమోదవ్వగా.. ఆ తర్వాత రంగారెడ్డి 212, మేడ్చల్ 115, సంగారెడ్డి 73, నల్గొండ 58, వరంగల్ అర్బన్ 44, కరీంనగర్ 41, పెద్దపల్లి 20, మంచిర్యాల 26, సిద్ధిపేట 27, సూర్యాపేట 14, నిజామాబాద్‌లో 13 మందికి పాజిటివ్‌గా తేలింది.
తెలంగాణలో 12,958 మంది వివిధ ఆసుపత్రుల్లో చికిత్స పొందుతుండగా.. ఇవాళ ఒక్కరోజే 1,159 మంది డిశ్చార్జ్ అయ్యారు. వీటితో కలిపి వైరస్ నుంచి కోలుకున్నవారి సంఖ్య 25,999కి చేరింది.
ప్రైవేట్ మెడికల్ కాలేజీల్లో కూడ ఉచితంగా కరోనా రోగులకు చికిత్స అందించాలని తెలంగాణ ప్రభుత్వం బుధవారం నాడు నిర్ణయం తీసుకొంది. రాష్ట్రంలో కరోనా కేసులు పెరిగిపోతున్న నేపథ్యంలో రాష్ట్ర ప్రభుత్వం ఈ నిర్ణయం తీసుకొంది.
ప్రైవేట్ ఆసుపత్రుల్లో కరోనా చికిత్సకు ప్రభుత్వం ఫీజులను నిర్ణయించింది. ప్రభుత్వం నిర్ణయించిన ఫీజుల కంటె ఎక్కువ ఫీజులను వసూలు చేస్తున్నారు. ప్రైవేట్ ఆసుపత్రుల్లో విపరీతంగా ఫీజులు వసూలు చేస్తున్నారని పలువురు ప్రభుత్వానికి పిర్యాదు చేశారు. ప్రైవేట్ ఆసుపత్రుల్లో చికిత్స పొందిన ఇద్దరు డాక్టర్లు తమ బాధను సెల్పీ వీడియోల రూపంలో బయటపెట్టారు.
కరోనా రోగుల నుండి అధిక ఫీజులు వసూలు చేసిన ప్రైవేట్ ఆసుపత్రులపై ఎలాంటి చర్యలు తీసుకొన్నారని హైకోర్టు ఈ నెల 14వ తేదీన ప్రభుత్వాన్ని ప్రశ్నించింది.దీంతో ప్రైవేట్ మెడికల్ కాలేజీల్లో ఉచితంగా కరోనా రోగులకు చికత్స అందించాలని ప్రభుత్వం నిర్ణయం తీసుకొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
