హైదరాబాద్ కేంద్రంగా పని చేస్తున్న ప్రైమ్ 9 న్యూస్ ఛానల్ కు ఎదురుదెబ్బ తగిలింది. ఆ ఛానెల్ లైసెన్స్ ను రద్దు చేస్తూ కేంద్ర సమాచార, ప్రసార మంత్రిత్వ శాఖ నిర్ణయం తీసుకుంది.
హైదరాబాద్ కు చెందిన ప్రైమ్ 9 న్యూస్ ఛానల్ కు ఊహించని పరిణామం ఎదురైంది. చట్టవిరుద్ధమైన వార్తా ప్రసార మాధ్యమాలపై భారీ అణిచివేతలో భాగంగా ఆ ఛానెల్ లైసెన్స్ రద్దు చేస్తూ కేంద్ర సమాచార, ప్రసార మంత్రిత్వ శాఖ నిర్ణయం తీసుకుంది. ఈ విషయాన్ని ‘న్యూస్ ఎరీనా ఇండియా’ స్పష్టం చేసింది. గణనీయమైన వ్యూయర్ షిప్ ఉన్న ఛానెల్ కు ఇది పెద్ద ఎదురుదెబ్బగా మారనుంది.
విషాదం.. ప్రియురాలికి వివాహమైందని యువకుడి ఆత్మహత్య.. పెళ్లయిన 3 రోజుల తరువాత నవ వధువు కూడా..
సంహిత బ్రాడ్ కాస్టింగ్ ప్రైవేట్ లిమిటెడ్ అనే మరో సంస్థకు 23 గంటల 55 నిమిషాల ఉచిత స్లాట్ ఇవ్వడం సహా ప్రసార నిబంధనలను ఈ ఛానల్ తీవ్రంగా ఉల్లంఘించినట్లు తేలింది. వాస్తవానికి ప్రైమ్ 9 న్యూస్ నియంత్రణలో సంహిత బ్రాడ్ కాస్టింగ్ ఉంది. అయితే పేపర్ పై ఛానల్ ను కలిగి ఉన్న రాయుడు విజన్ మీడియా లిమిటెడ్ కేవలం ఒక ఫ్రంట్ మాత్రమే. ప్రైమ్ 9 న్యూస్ ట్రేడ్మార్క్ కూడా సంహిత బ్రాడ్కాస్టింగ్ యాజమాన్యంలో ఉంది.
అయితే ఎంఐబీ దాఖలు చేయడానికి ముందు రాయుడు విజన్ మీడియాను ట్రేడ్ మార్క్ యజమానిగా చూపించారు. హైదరాబాద్ లోని పవర్ కారిడార్ కు చాలా దగ్గరగా ఉన్న ఓ వ్యక్తికి ఈ ఛానల్ తో సన్నిహిత సంబంధాలు ఉన్నాయని మా వర్గాలు చెబుతున్నాయని ‘న్యూస్ ఎరీనా ఇండియా’ పేర్కొంది. ప్రైమ్ 9 న్యూస్ ను లైసెన్స్ ను సమాచార ప్రసార మంత్రిత్వ శాఖ సస్పెండ్ చేయడం వల్ల అక్రమ, అనైతిక మీడియా విధానాలపై ప్రభుత్వం కఠినంగా ఉందనే బలమైన సంకేతాలను పంపుతోంది.