ఒక్క రూమ్‌లోనే 114 సూట్‌కేస్ కంపెనీలు: సత్యం రాజు కుటుంబసభ్యులవే

1 room, 114 shell companies: Shocker from Satyam Raju kin in ..
Highlights

హైద్రాబాద్‌లో రిజిష్ట్రార్ ఆఫ్ కంపెనీస్‌ కు చెందిన అధికారులు నిర్వహించిన  తనిఖీలో ఆసక్తికర విషయాలు వెలుగుచూశాయి. ఒకే రూమ్‌లో 25 మంది ఉద్యోగులతో ఏర్పాటు చేసిన కార్యాలయంలో 114 సూట్‌కేసు కంపెనీలు కొనసాగుతున్నాయి


హైదరాబాద్: హైద్రాబాద్‌లో రిజిష్ట్రార్ ఆఫ్ కంపెనీస్‌ కు చెందిన అధికారులు నిర్వహించిన  తనిఖీలో ఆసక్తికర విషయాలు వెలుగుచూశాయి. ఒకే రూమ్‌లో 25 మంది ఉద్యోగులతో ఏర్పాటు చేసిన కార్యాలయంలో 114 సూట్‌కేసు కంపెనీలు కొనసాగుతున్నాయి. ఈ కంపెనీలన్నీ కూడ సత్యం రామలింగరాజుకు చెందినవిగా అధికారులు గుర్తించారు.

జూబ్లీహిల్స్‌లోని  మానార్చ్ మాల్‌లో ఈ కార్యాలయం ఏర్పాటు చేశారు. ఈ కార్యాలయంలో ఎస్ఆర్ఎస్ఆర్ అడ్వైజరీ సర్వీసెస్ ప్రైవేట్ లిమిటెడ్ పేరుతో కార్యాలయాన్ని ఏర్పాటు చేశారు. రిజిష్ట్రార్ ఆఫ్ కంపెనీస్  ఈ కార్యాలయంలో తనిఖీలు నిర్వహించింది.  హైద్రాబాద్‌లోని ఆరు ప్రాంతాల్లో  ఏక కాలంలో దాడులు నిర్వహించారు.

అయితే  ఈ సూట్‌కేసు కంపెనీల్లో ఎక్కువగా రాజుతో పాటు ఆయన బంధువులకు సంబంధించినవే ఉన్నాయని రిజిష్ట్రార్ ఆఫ్ కంపెనీ అధికారులు గుర్తించారు.
కేంద్ర  కార్పోరేట్ వ్యవహరాల మంత్రిత్వశాఖ నుండి వచ్చిన సమాచారం ఆధారంగా ఈ దాడులను నిర్వహించినట్టు ఆయన చెప్పారు. ఏపీ, తెలంగాణ నుండే  పెద్ద ఎత్తున ఈ రకమైన కంపెనీలు ఉన్నాయని సమాచారం వచ్చిందన్నారు.ఈ మేరకు తనిఖీలు నిర్వహిస్తే ఈ విషయం వెలుగు చూసిందన్నారు. 

అయితే ఒక వ్యక్తి 20 కంపెనీల్లో సభ్యుడిగా ఉండే అవకాశం ఉందని రిజిష్ట్రార్ ఆఫ్ కంపెనీస్ కు చెందిన ఓ అధికారి చెప్పారు. అయితే  ఈ నిబంధనలను ఉల్లంఘించారా లేదా అనే విషయమై విచారణ చేస్తున్నట్టు ఆయన చెప్పారు.

2009 తర్వాత సత్యం కుంభకోణం వెలుగులోకి వచ్చిన తర్వాత  సీబీఐ, ఈడీలు  సత్యం కంపెనీలు ఈ కంపెనీలపై  చార్జీషీట్ దాఖలు చేసిన విషయం తెలిసిందే.
 సీబీఐ, ఈడీ లు తమ సంస్థలపై చార్జీషీట్లు దాఖలు చేసినట్టుగా ఎస్ఆర్ఎస్ఆర్ కంపెనీ అడ్వైజరీ సర్వీసెస్ ఉద్యోగి ఒకరు తెలిపారు. ఈ సంస్థల్లో చాలా సంస్థలు జీరో బ్యాలెన్స్‌తో ఉన్నాయని ఆయన చెప్పారు. 


 

loader