తొలిసారి 108 ఎంపీ కెమెరాతో షియోమీ నోట్10!
కస్టమర్ల అభిరుచులకు అనుగుణంగా ఎప్పటికప్పుడు సరికొత్త మోడళ్లను విడుదల చేసే చైనా స్మార్ట్ ఫోన్ల తయారీ సంస్థ షియోమీ తాజాగా మరో సంచలన ఫీచర్లు గల స్మార్ట్ఫోన్ను విడుదల చేయడానికి సిద్ధమైంది.
న్యూఢిల్లీ: కస్టమర్ల అభిరుచులకు అనుగుణంగా ఎప్పటికప్పుడు సరికొత్త మోడళ్లను విడుదల చేసే చైనా స్మార్ట్ ఫోన్ల తయారీ సంస్థ షియోమీ తాజాగా మరో సంచలన ఫీచర్లు గల స్మార్ట్ఫోన్ను విడుదల చేయడానికి సిద్ధమైంది.
ఎంఐ నోట్ 10 పేరిట విడుదల చేయనున్న ఈ ఫోన్లో 108 మెగా పిక్సెల్ ప్రధాన కెమెరా, బ్యాకప్ ఐదు కెమెరాలు పొందుపరిచినట్లు తెలుస్తోంది. ప్రస్తుతం అందుబాటులో ఉన్నసమాచారం ప్రకారం దీని ధర రూ.28,999 ఉంటుందని భావిస్తున్నారు.
also read త్వరలో ఇండియాలోకి వాట్సాప్ పేమెంట్ అప్
ఎంఐ నోట్ 10 పేరుతో మరో పవర్ హౌస్ ఫోన్ను మార్కెట్లోకి తేవడానికి రంగం సిద్ధం చేసింది షియోమీ. ప్రపంచంలోనే తొలిసారి 108 మెగా పిక్సల్ కెమెరాతో ఈ ఫోన్ను తీసుకొస్తోంది. తాజా సమాచారం ప్రకారం ఈ నెల 5న 'ఎంఐ సీసీ9 ప్రో'ను చైనాలో విడుదల చేయనున్నారు.
దాని గ్లోబర్ వెర్షన్ 'ఎంఐ నోట్ 10' స్మార్ట్ఫోన్ను ఈనెల 14వ తేదీన పోలాండ్లో ఆవిష్కరించనున్నట్లు సమాచారం. భారత్లో ఈ ఫోన్ ఆవిష్కరణ తేదీ, వేదిక వివరాలు తెలియాల్సి ఉంది. ఇప్పటి వరకు వచ్చిన సర్టిఫికేషన్ లీక్స్ ప్రకారం ఈ రెండు స్మార్ట్ఫోన్లకీ ఒకే మోడల్ నంబర్ ఉన్నట్లు టెక్ నిపుణులు చెబుతున్నారు.
ఈ షియోమీ నూతన ఫోన్లో 108 మెగా పిక్సెల్ ప్రధాన కెమెరా, వెనుకవైపు 5 కెమెరాలు, 20 మెగా పిక్సెల్ ఆల్ట్రా వైడ్ యాంగిల్ కెమెరా, టెలిఫొటో లెన్స్, 12 మెగా పిక్సెల్ పొట్రెయిట్ షూటర్ ఉండే అవకాశం ఉంది. టెలిఫొటో లెన్స్కు 10 ఎక్స్ హైబ్రీడ్ జూమ్, 50 ఎక్స్ డిజిటల్ జూమ్ సామర్థ్యం ఉన్నట్లు తెలుస్తోంది.
also read ట్విటర్ సంచలన నిర్ణయం...తెలిస్తే షాకవ్వాల్సిందే!
ఎంఐ సీసీ9 ప్రొలో క్వాల్కాం స్నాప్ డ్రాగన్ 730జీ ప్రాసెసర్, ఎమ్ఐ నోట్ 10లో స్నాప్ డ్రాగన్ 855 ప్లస్ ప్రాసెసర్ ఉండే అవకాశం ఉంది. 6.47 అంగుళాల డిస్ప్లే, 5170 ఎంఏహెచ్ సామర్థ్యం గల బ్యాటరీ, మూడు వేరియంట్లలోఈ స్మార్ట్ఫోన్ 6 జీబీ, 8 జీబీ, 12 జీబీ వేరియంట్లలో మార్కెట్లోకి విడుదల కావొచ్చని టెక్ నిపుణులు చెబుతున్నారు.
స్టోరేజీ సామర్థ్యం విషయానికి వస్తే 64 జీబీ, 128 జీబీ, 256 జీబీగా ఉండొచ్చు. నలుపు, ఎరుపు, నీలం, తెలుపు, గ్రే, పింక్, పర్పుల్ రంగుల్లో ఈ ఫోన్ అందుబాటులోకి రానున్నది. ప్రస్తుతం ఉన్న సమాచారం ప్రకారం ఈ ఫోన్ ధర రూ.28,999 ఉండవచ్చు. ఎంఐ సీసీ9 ప్రో ఫోన్కు ప్రతిరూపంగా షియోమీ మీ నోట్ 10 ఫోన్ ఉండనున్నది.