న్యూఢిల్లీ: చైనా స్మార్ట్ ఫోన్ దిగ్గజం ఒప్పో సబ్​ బ్రాండ్‌‌గా ఇండియా మార్కెట్‌‌లో అడుగుపెట్టిన రియల్​మీ తొలి ఏడాదిలోనే అత్యంత వేగంగా  ఎదిగిన బ్రాండ్‌‌గా నిలిచింది. ఈ ఏడాదిలో మొత్తం 1.50 కోట్ల హ్యండ్‌‌సెట్లను విక్రయించింది. తద్వారా భారతదేశంలో ఇప్పటికే ప్రజాదరణ పొందిన షియోమీ ఫోన్‌కు గట్టి పోటీ ఇస్తోంది.

వచ్చే ఏడాది రియల్​మీ అమ్మకాలు ప్రస్తుతం కన్నారెండింతలు అవుతాయని కంపెనీ ఇండియా సీఈఓ మాధవ్​సేఠ్‌‌ అన్నారు.  రూ. 7000, రూ. 20,000 ఫోన్స్​సెగ్మెంట్లలో షియోమీకి ఈ బ్రాండ్​గట్టి పోటీ ఇస్తోంది.వివో, ఒప్పో వంటి  బ్రాండ్లలా కాకుండా, పూర్తిగా ఈ కంపెనీ ఆన్‌‌లైన్ డిస్ట్రిబ్యూషన్‌‌పై దృష్టి సారించింది. రియల్​ మీ మొదట ఒప్పో సబ్ బ్రాండ్‌‌గా ఇండియాలో అడుగుపెట్టినా, తర్వాత పూర్తి ఇండిపెండెంట్​బ్రాండ్‌‌గా మారింది. ఈ కంపెనీని ఒప్పో పేరెంట్​ కంపెనీ బీబీకేతో కలిసి మాధవ్​శేఠ్‌‌ ఇండియాలోకి తీసుకొచ్చారు. 

also read అమెజాన్ అలెక్సాతో బోట్ స్టోన్ పోర్టబుల్ స్పీకర్

రియల్​మీ 2019లో ప్రపంచంలో అత్యంత వేగంగా వృద్ధి చెందుతున్న స్మార్ట్‌‌ఫోన్​ బ్రాండ్లలో ఏడవ స్థానాన్ని పొందిందని మాధవ​ శేఠ్‌‌ అన్నారు. “ ‘మనం 2019  చివరిలో ఉన్నాం. ఇది మా ఆపరేషన్స్‌‌కు మొదటి పూర్తి ఏడాది. ఈ ఏడాదిలో 1.50 కోట్ల హేండ్‌‌సెట్లను విక్రయించాం. వచ్చే ఏడాది మా అమ్మకాలను రెండింతలు చేయడమే మా టార్గెట్” అని రియల్ మీ ఇండియా సీఈఓ మాధవ్ శేఠ్ అన్నారు.  

ఇంటర్నేషనల్​ డేటా కార్పోరేషన్ (ఐడీసీ) డేటా ప్రకారం ఈ ఏడాది మూడవ క్వార్టర్‌‌‌‌లో  ఇండియాలో మా బ్రాండ్​ 14.3 శాతం వాటాను దక్కించుకుందని రియల్ మీ ఇండియా సీఈఓ మాధవ్ శేఠ్ తెలిపారు.  మొత్తంగా ఇండియాలో రియల్​మీ నాల్గవ అతిపెద్ద స్మార్ట్‌‌ఫోన్​బ్రాండ్‌‌గా అవతరించిందని ఐడీసీ పేర్కొంది. 

మూడవ క్వార్టర్‌‌‌‌లో ఇండియాలో షియోమీ 27.1 శాతం మార్కెట్​ వాటాతో మొదటి స్థానంలో ఉండగా,  శామ్‌‌సంగ్ 18.9 శాతంతో, వివో 15.2 శాతంతో తర్వాతీ స్థానాల్లో ఉన్నాయి. షియోమీ తక్కువ ధరలలో నాణ్యమైన స్మార్టఫోన్లతో తన ప్రయాణాన్ని 2015లో  ప్రారంభించింది. 

షియోమీ మార్గాన్నే రియల్ మీ కూడా అనుసరిస్తోంది. రియల్​మీ ఇండియాలో మొదట 2018 మే నెలలో  ప్రారంభించింది. 2018 మూడవ క్వార్టర్‌‌‌‌లో ఈ బ్రాండ్​ మార్కెట్​ వాటా కేవలం 3.1 శాతం మాత్రమే.  ప్రస్తుతం చైనా, ఇండియా, సౌత్ ఈస్ట్​ఏసియా, రష్యా, యూరోప్​ వంటి 20 మార్కెట్లలో అందుబాటులో ఉంది.

కేవలం దీపావళి సిజన్‌‌లోనే  52 లక్షల స్మార్ట్‌‌ఫోన్లను విక్రయించామని రియల్ మీ ఇండియా సీఈఓ మాధవ్​శేఠ్‌‌ అన్నారు.  కౌంటర్‌‌‌‌పాయింట్ ​సంస్థ అధ్యయనం​ ప్రకారం రియల్​మీ 2019 మూడవ క్యార్టర్‌‌‌‌లో కోటి స్మార్ట్​ఫోన్లను రవాణా చేసింది. ఇది ఏడాది ప్రాతిపదికన 808 శాతం పెరుగుదల. ఈ పండుగ సీజన్‌‌లో రియల్​మీ సీ2, రియల్​మీ 3ఐ, రియల్​మీ 5 మోడల్స్​అత్యధికంగా అమ్ముడు పోయాయి.  ప్రస్తుతం ఈ కంపెనీ అంతర్జాతీయ స్మార్ట్‌‌ఫోన్ మార్కెట్‌‌లో ఏడవ ర్యాంక్‌‌లో ఉందని కౌంటర్​పాయింట్ పేర్కొంది.  

also read ఫోన్‌పే యాప్ ద్వారా ఇప్పటివరకు ఎన్ని ట్రాన్సాక్షన్స్ జరిగాయో తెలుసా...?

ఆఫ్​లైన్లో  అందుబాటులో ఉండే సిరీస్‌‌లను ప్రారంభించనున్నామని రియల్ మీ ఇండియా సీఈఓ మాధవ్ శేఠ్​ తెలిపారు. బెటర్​ బ్యాటరీ, టచ్​తో ఇవి మిడ్​ ప్రీమియం రేంజ్‌‌లో ఉంటాయని తెలిపారు. “పలుసార్లు స్మార్ట్‌‌ యాక్ససరీలతో పాటు ట్రెండీ డిజైన్, గ్రేట్​ పెర్ఫార్మెన్స్‌‌తో రియల్​మీ కస్టమర్లను పలకరించనుంది. 2020 లో టెక్​ లైఫ్​స్టైల్ ​బ్రాండ్‌‌గా రియల్​మీ నిలవనుంది’ అని శేఠ్‌‌​ తెలిపారు. 

సీ సిరీస్, నంబర్​సిరీస్, ప్రో సిరీస్​, ఎక్స్​సిరీస్​లతో ఇండియాలో రియల్​మీ ప్రజాదరణ పొందింది. ప్రస్తుతం ఈ బ్రాండ్​ ఆన్​లైన్‌‌ మార్కెట్లో విస్తరించింది. ఫ్లిప్‌‌కార్ట్‌‌లో నెంబర్​ వన్ బ్రాండ్‌‌గా రియల్​ మీ నిలవగా, మొత్తం మీద రెండో నెంబర్ స్థానం‌లో ఉంది. ప్రస్తుతం  ఈ కంపెనీ ఆఫ్​లైన్ ​మార్కెట్లోకి విస్తరించడానికి ప్రణాళికలు వేస్తోంది.  

70 శాతం అమ్మకాలు ఆన్​లైన్​ద్వారా, 30 శాతం ఆఫ్​లైన్​ద్వారా జరపడమే రియల్ మీ టార్గెట్‌‌గా పెట్టుకుంది.  ఈ సంస్థ పేరెంట్​ కంపెనీ అయిన బీబీకే  ఎలక్ట్రానిక్స్​ వివో, ఒప్పో వంటి బ్రాండ్లను కూడా తయారు చేస్తోంది. ప్రస్తుతం రియల్​మీ ఇండిపెండెంట్ కంపెనీగా నడుస్తోంది. ఈ కంపెనీ ఫౌండర్​మాజీ ఒప్పో వైస్​చైర్మన్​ స్కైలీ. రియలీ మొబైల్ టెలికమ్యునికేషన్స్‌‌ ప్రై. ప్రస్తుతం ఇండిపెండెంట్​ బ్రాండ్‌‌గా ఉందని మాధవ్​శేఠ్ ​అన్నారు.