పోకో ఎక్స్ 3ప్రో స్మార్ట్ ఫోన్ లాంచ్ డేట్ ఫిక్స్.. ఇండియన్ మార్కెట్లో దీని ధర ఎంతంటే ?
పోకో ఎక్స్3ప్రోగా వస్తున్న ఈ స్మార్ట్ ఫోన్ మార్చి 30న భారతదేశంలో లాంచ్ కానుంది. ఈ విషయాన్ని కంపెనీ కూడా అధికారికంగా ధృవీకరించింది.
స్మార్ట్ ఫోన్ తయారీ సంస్థ పోకో ఇండియా ఒక కొత్త ఫోన్ ని ఇండియన్ మార్కెట్లోకి తీసుకురావడానికి సిద్ధంగా ఉంది. పోకో ఎక్స్3ప్రోగా వస్తున్న ఈ స్మార్ట్ ఫోన్ మార్చి 30న భారతదేశంలో లాంచ్ కానుంది. ఈ విషయాన్ని కంపెనీ కూడా అధికారికంగా ధృవీకరించింది. ఈ స్మార్ట్ ఫోన్ ఫీచర్స్, ధర గురించి సమాచారం ఇవ్వనప్పటికీ పోకో ఎక్స్3ప్రోకు సంబంధించిన టీజర్‌ను కంపెనీ విడుదల చేసింది.
టీజర్‌కు ముందు ఫోన్ ఫీచర్స్ లీకైనట్లు కొన్ని నివేదికలు వెల్లడయ్యాయి. లికైన నివేదికల ప్రకారం స్నాప్‌డ్రాగన్ 860 ప్రాసెసర్, హై-రిఫ్రెష్ రేట్ డిస్ ప్లేతో కూడిన బడ్జెట్ ఫోన్ గా రానుంది.
also read కరోనా కారణంగా ఆపిల్ కీలక నిర్ణయం.. ఐఫోన్ 13లో రానున్న ఈ ఫీచర్ గురించి తెలుసుకోండి.. ...
పోకో ఎక్స్3 ప్రో ధర
పోకో ఎక్స్ 3 ప్రో కలర్, ధర కూడా తాజాగా లీక్ అయ్యాయి, దీని ప్రకారం పోకో ఎక్స్3 ప్రో రెండు వేరియంట్లలో రానుంది. 6 జీబీ ర్యామ్‌తో 128 జీబీ స్టోరేజ్, మరొకటి 8 జీబీ ర్యామ్‌తో 256 జీబీ స్టోరేజ్. 6 జీబీ ర్యామ్ వేరియంట్ ధర 250 యూరోలు, అంటే సుమారు 21,600 రూపాయలు, 8 జీబీ ర్యామ్‌కు 300 యూరోలు అంటే 26,000 రూపాయలు. ఫోన్ బ్లాక్, సిల్వర్ కలర్ వేరియంట్లలో కొనుగోలు చేయవచ్చు.
మరో లీకైన నివేదిక ప్రకారం పోకో ఎక్స్ 3 ప్రో స్పెసిఫికేషన్లు చూస్తే పోకో ఎక్స్ 3 ప్రో 120హెచ్‌జెడ్ రిఫ్రెష్ రేటుతో ఫుల్ హెచ్‌డి ప్లస్ డిస్ ప్లే పొందుతుంది. ఈ ఫోన్‌లో స్నాప్‌డ్రాగన్ 860 ప్రాసెసర్ ఇంకా కనెక్టివిటీలో డ్యూయల్ బ్యాండ్ వై-ఫై, ఎన్‌ఎఫ్‌సి కోసం 5200 ఎంఏహెచ్ బ్యాటరీ, 4జి ఎల్‌టిఇ సపోర్ట్ కూడా ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
