రోహిత్‌ విధ్వంసక ఇన్నింగ్స్‌ (వీడియో)

rohit sharma steals show as mumbai indians beat royal challengers bangalore

అన్నింటా ఆఖరి బంతి వరకు పోరాడినా అదృష్టం మొఖం చాటేసిన వేళ.. ఈసారి ముంబై ఇండియన్స్‌ జూలు విదిల్చింది. తొలి రెండు బంతులకే రెండు వికెట్లు కోల్పోయిన ఈ జట్టు కెప్టెన్‌ రోహిత్‌ శర్మ (52 బంతుల్లో 10 ఫోర్లు, 5 సిక్సర్లతో 94)తో పాటు ఓపెనర్‌ ఎవిన్‌ లూయిస్‌ (42 బంతుల్లో 6 ఫోర్లు, 5 సిక్సర్లతో 65) సూపర్‌ బ్యాటింగ్‌తో చిరుదరహాసం చేసింది. ఫలితంగా రాయల్‌ చాలెంజర్స్‌ బెంగళూరుతో మంగళవారం జరిగిన ఈ మ్యాచ్‌లో అన్నింటా రాణించిన ముంబై 46 పరుగుల తేడాతో ఘనవిజయం సాధించింది. ముందుగా బ్యాటింగ్‌కు దిగిన రోహిత్‌ సేన 20 ఓవర్లలో 6 వికెట్లకు 213 పరుగులు చేసింది. ఆ తర్వాత భారీ స్కోరు ఛేదన కోసం దిగిన బెంగళూరు 20 ఓవర్లలో 8 వికెట్లకు 167 పరుగులు చేసి ఓడింది. కోహ్లీ (62 బంతుల్లో 7 ఫోర్లు, 4 సిక్సర్లతో 92 నాటౌట్‌) ఒంటరి పోరాటం చేశాడు.