బడ్జెట్ లో మనాలీ ట్రిప్, హనీమూన్ కి బెస్ట్ ప్లేస్ .. ఇలా ప్లాన్ చేసుకోండి..!
అయితే, ఈ ప్రదేశాన్ని వీక్షించడానికి ఉత్తమ సమయం జనవరి నెల. ఎందుకంటే జనవరి నెలలో ఇక్కడ విపరీతమైన మంచు కురుస్తుంది.
 )
Followట్రావెలింగ్ ని ఇష్టపడనివారు చాలా అరుదుగా ఉంటారు. ముఖ్యంగా సెలవలు వచ్చిన సమయంలో మంచి, మంచి ప్రదేశాలకు వెళ్లి, ఆ వెకేషన్ ని ఎంజాయ్ చేయాలనే కోరిక చాలా మందిలో ఉంటుంది. కానీ, చాలా మంది బడ్జెట్ గురించి ఆలోచిస్తూ ఉంటారు. బడ్జెట్ లో ట్రిప్ కి వెళ్లే అవకాశం ఉంటే చాలా మంది ఉత్సాహం చూపిస్తారు. ఈ సంగతి పక్కన పెడితే, మన దేశంలోని చాలా పర్యాటక ప్రదేశాలు ఉన్నాయి. వాటిలో కొన్నింటికి సమ్మర్ లో వెళ్తే బాగుంటుంది. కొన్ని వింటర్ లో వెళ్తే బాగుంటుంది. ప్రస్తుతం వింటర్ వచ్చేసింది కాబట్టి, ఈ డిసెంబర్, జనవరి సమయంలో మనాలీ చూడటానికి చాలా అందంగా ఉంటుంది. మీరు కూడా మనాలీ ట్రిప్ కి వెళ్లాలి అనుకుంటే, ఇది కరెక్ట్ టైమ్. మరి, ఈ మనాలీ ట్రిప్ కి ఎలా వెళ్లాలో, బడ్జెట్ ఈ ట్రిప ఎలా ఎంజాయ్ చేయాలో ఓసారి చూద్దాం..
షిమ్లా, మనాలీలు మంచు ప్రదేశాలు. ఇక్కడ సంవత్సరం పొడవునా మంచు కురవదు. కేవలం డిసెంబర్ నుంచి మొదలై మార్చి మంచు కురుస్తుంది. అయితే, ఈ ప్రదేశాన్ని వీక్షించడానికి ఉత్తమ సమయం జనవరి నెల. ఎందుకంటే జనవరి నెలలో ఇక్కడ విపరీతమైన మంచు కురుస్తుంది. ఇళ్లు, రోడ్లు, చెట్ల నుంచి వాహనాల వరకు అన్నింటిపైనా మంచు పేరుకుపోతుంది. ఈ దృశ్యాన్ని చూస్తే స్వర్గానికి వచ్చినట్లు అనిపిస్తుంది.
మీరు జనవరి నెలలో మొదటి 10 రోజులలో ఇక్కడ ట్రిప్ ప్లాన్ చేసుకోవాలి. అయితే టిక్కెట్లు బుక్ చేసుకునేటప్పుడు, మీరు వాతావరణ శాఖ నుండి వచ్చే సమాచారాన్ని వింటూనే ఉండాలి అనే విషయాన్ని గుర్తుంచుకోండి. ఎందుకంటే సిమ్లా మనాలిలో మంచు ఎప్పుడు కురుస్తుందో వాతావరణ శాఖ చెబుతోంది. అలా మంచు కురుస్తున్నప్పుడు వెళితే, కొత్త అనుభూతిని పొందే అవకాశం ఉంటుంది.
యాత్రను ఎలా ప్లాన్ చేసుకోవాలి?
ఇక్కడికి రావడానికి మీరు వోల్వో బస్సును బుక్ చేసుకోవచ్చు. ఎందుకంటే ఈ బస్సుల్లో సౌకర్యాలు చాలా బాగున్నాయి. దీని టిక్కెట్ ధర కూడా రీజనబుల్ గానే ఉంటుంది. ఇందులో ప్రయాణించడానికి ప్రత్యేక కారణం చలి కాలంలో మీకు హీటర్‌తో పాటు బెడ్‌షీట్‌ల సౌకర్యం కూడా ఉంటుంది. మీరు చాలా సౌకర్యవంతమైన పద్ధతిలో మనాలి లేదా సిమ్లా చేరుకోవచ్చు. కానీ మీ బడ్జెట్ తక్కువగా ఉంటే, మీరు ప్రభుత్వ బస్సులో కూడా ప్రయాణించవచ్చు. ఈ బస్సును రాష్ట్ర ప్రభుత్వం నడుపుతోంది. ఆర్టీ బస్సు ధర అయితే, ఇంకా కాస్త తక్కువగానే ఉంటుంది.
హోటల్
ఇక్కడ మీరు రూ. 800 మరియు రూ. 1000 మధ్య హోటళ్లను సులభంగా కనుగొంటారు. అయితే ఈ చౌక హోటళ్ల నుండి మీరు మంచు కురవడాన్ని చూడలేరు. మళ్లీ ఏదైనా వెహికిల్ లో మంచు కురిసే దగ్గరకు వెళ్లాల్సి రావచ్చు.కానీ మీరు బడ్జెట్ ట్రిప్ ప్లాన్ చేస్తుంటే, ఇది మీకు ఉత్తమ ఎంపిక. ఎందుకంటే మీరు సిమ్లా లేదా మనాలి సందర్శనకు వెళితే, మీరు హోటల్ బయటే సమయం మొత్తం గడుపుతారు. అందువల్ల, ముందుగానే ఆన్‌లైన్‌లో చౌక హోటల్‌ను బుక్ చేసుకోండి.మాములుగానే మంచు కురిసే సమయంలో అక్కడ హోటల్ ధరలు చాలా ఎక్కువగా ఉంటాయి. కాబట్టి, తక్కువలో ఉన్నవి సెలక్ట్ చేసుకొని, తర్వాత మంచు కురిసే ప్రదేశాలకు వెళ్లి మొత్తం చుట్టేసి రావచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
