పిల్లలకు గవదబిళ్లలు ఎందుకు వస్తాయి? ఇది రాకుండా ఉండాలంటే ఏం చేయాలి?
గత కొన్ని రోజులుగా పిల్లలు గవదబిళ్లల బారిన బాగా పడుతున్నారు. ఇక కేరళలో ఎంతో మంది పిల్లలు గవదబిళ్లలతో ఇబ్బంది పడుతున్నారు. అసలు ఈ వ్యాధి ఎందుకొస్తుంది? దీని బారిన పడకుండా ఉండటానికి ఏం చేయాలో ఇప్పుడు తెలుసుకుందాం పదండి.
![what is mumps virus know causes symptoms and treatment rsl what is mumps virus know causes symptoms and treatment rsl](https://static-ai.asianetnews.com/images/01hrvb4d613q3j6s460y3qpzd0/mumos_363x203xt.jpg)
కేరళతో పాటుగా తెలుగు రాష్ట్రాల్లో కూడా చాలా మంది పిల్లలు గవదబిళ్లల ఇన్ఫెక్షన్ బారిన పడుతున్నారు. దీనివల్ల పిల్లల బుగ్గలు ఉబిపోయి దవడలు బాగా నొప్పి పెడతాయి. ఈ సమస్య వల్ల పిల్లలకు తినడానికి రాదు. తాగడానికి రాదు. దీనివల్ల దగ్గు, జ్వరం కూడా వస్తాయి. అసలు ఈ వ్యాధి ఎందుకు వస్తుందో తెలుసా?
గవదబిళ్ల వైరస్ అంటే ఏంటి?
పారామైక్సో వైరస్ వల్ల గవదబిళ్లలు వస్తాయి. గవదబిళ్లలకు కారణమయ్యే వాటిలో ఈ వైరస్ ఒకటి. ఇది ఒక రకమైన వైరల్ ఇన్ఫెక్షన్. ఈ వైరస్ ముఖ్యంగా లాలాజల గ్రంథులను ప్రభావితం చేస్తుంది. ఈ గ్రంథులను పరోటిడ్ గ్రంథులు అంటారు. ఇవి లాలాజలాన్ని తయారు చేస్తాయి. దీనివల్ల బుగ్గలు బాగా ఉబ్బుతాయి. ఇది గొంతులో చాలా నొప్పిని కలిగిస్తుంది. ఈ వ్యాధి ఏ వయసువారికైనా వస్తుంది. కానీ పిల్లలకే ఇది ఎక్కువగా వస్తుంది. సరైన చికిత్సతో ఈ వ్యాధి 5 నుంచి 7 రోజుల్లో నయమవుతుంది.
గవదబిళ్ల వైరస్ లక్షణాలు
- నమలడానికి, మింగడానికి ఇబ్బందిపడటం
- జ్వరం, అలసట, బలహీనత
- ఆకలి లేకపోవడం
- తలనొప్పి
- కండరాల నొప్పి
- ముఖం ఒక వైపు లేదా రెండు వైపులా ఉబ్బడం.
- నోరు పొడిబారడం
పిల్లల్ని ఎలా రక్షించుకోవాలి
- గవదబిళ్లల బారిన పడకుండా ఉండటానికి పరిశుభ్రతను పాటించాలి.
- ఎట్టి పరిస్థితిలో పిల్లలక బయటి ఫుడ్ ను తినిపించకూడదు.
- ఈ వ్యాధి సోకిన వ్యక్తులు వాడిన పాత్రలు లేదా నీటిని షేర్ చేసుకోకూడదు.
- వ్యాక్సిన్ తీసుకోవాలి.