మరోసారి తగ్గిన రెడ్ మి4 ధర
- ధర తగ్గిన రెడ్ మీ 4 ఫోన్ ధర
చైనాకి చెందిన ప్రముఖ ఎలెక్ట్రానిక్ వస్తువుల తయారీ సంస్థ షియోమి.. వినియోగదారులకు బంపర్ ఆఫర్ ప్రకటించింది. తమ కంపెనీకి చెందిన రెడ్ మీ 4 ఫోన్ ధర మరోసారి తగ్గించింది. గతంలో ఒకసారి ఈ ఫోన్ ధర రూ.500 తగ్గించిన కంపెనీ.. తాజాగా మరోసారి ధర తగ్గించింది. ఈ ఫోన్ విడుదల చేసిన సమయంలో విపరీతంగా అమ్ముడైన సంగతి అందరికీ తెలిసిందే. అమ్మకాలను మరింత పెంచుకునేందుకు కంపెనీ ఇప్పుడు ఫోన్ ధరపై రూ.500 తగ్గిస్తున్నట్లు ప్రకటించింది. ధర తగ్గింపు తర్వాత రెడ్‌మి 4 3జీబీ/32 జీబీ స్టోరేజ్ ధర. రూ.8499గా ఉంటుంది. 4జీబీ/64జీబీస్టోరేజ్ వేరియంట్‌ రూ. 10499లకు అందుబాటులో ఉంటుంది. ఎంఐ.కామ్‌, అమెజాన్‌, ఎంఐ హోమ్ స్టోర్లో ఈస్మార్ట్‌ ఫోన్‌ను కొనుగోలు చేయవచ్చు.
రెడ్ మీ4 ఫోన్ ఫీచర్లు..
5 ఇంచెస్ ఫుల్ హెచ్ డీ డిస్ ప్లే
1.4 ఆక్టాకోర్ ప్రాసెసర్
ఆండ్రాయిడ్ 7.0
3జీబీ/32జీబీ స్టోరేజ్, 4జీబీ/64జీబీ స్టోరేజ్
128 జీబీ దాకా విస్తరించుకునే సౌకర్యం
13మెగాపిక్సెల్ వెనుక కెమేరా
5మెగా పిక్సెల్ ఫ్రంట్ కెమేరా
4100ఎంఏహెచ్ బ్యాటరీ సామర్థ్యం
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
