ఉన్నతాధికారి లైంగిక వేధింపులతో యువతి ఆత్మహత్యాయత్నం
ఆపీసులో ఉన్నతాధికారి లైంగిక వేధింపులు తట్టుకోలేక ఓ యువతి ఆత్మహత్యాయత్నానికి పాల్పడింది. ఈ ఘటన హైదరాబాద్ లో చోటుచేసుకుంది. అయితే ఈ ఘటనపై సమాచారం అందుకున్న షీ టీమ్స్ వేధింపులకు పాల్పడుతున్న అధికారితో పాటు అతడికి సహకరించిన వ్యక్తిని అదుపులోకి తీసుకున్నారు. ఈ ఘటనకు సంబంధించిన వివరాలు కింది విధంగా ఉన్నాయి.
బంజారాహిల్స్‌ రోడ్డునెం-2లోని ఒక ఫార్మా కంపెనీలో ఓ యువతి కొత్తగా ఉద్యోగంలో చేరింది. అయితే ఆమెతో కంపెనీలో ఏజీఎంగా పనిచేస్తున్న ఢిల్లీకి చెందిన అశితోష్ అసభ్యంగా వ్యవహరించేవాడు. అసభ్యంగా మాట్లాడుతూ, వెకిలి చేష్టలకు పాల్పడుతూ లైంగికంగాను, మానసికంగాను వేధించాడు. దీంతో ఈ వేధింపులు తట్టుకోలేక యువతి తన హాస్టల్ గదిలో ఎవరూ లేని సమయంలో ఆత్మహత్యకు పాల్పడింది. అయితే దీన్ని గమనించిన సహచరులు ఆమెను కాపాడి ఆసుపత్రికి తరలించారు. అలాగు ఆ యువతి కుటుంబ సభ్యులకు సమాచారం అందించారు.
దీంతో బాధితురాలి కుటుంబసభ్యులు షీటీమ్స్ ను ఆశ్రయించారు.వీరి షిర్యాదుతో షీటీమ్స్ అశితోష్, గణేష్‌లను అదుపులోకి తీసుకుని జూబ్లీహిల్స్ పోలీస్ స్టేషన్ కు తరలించి, విచారణ చేపట్టారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
