ఇది రంగస్థలం రెస్టారెంట్.. ఎక్కడో తెలుసా?
జనాలు విపరీతంగా ఈ రెస్టారెంట్ కి వెళుతున్నారు
ప్రస్తుతం తెలుగు సినిమా అభిమానులంతా ఆసక్తిగా ఎదురుచూస్తున్న చిత్రం రంగస్థలం. రామ్ చరణ్, సమంత జంటగా సుమార్ దర్శకత్వంలో తెరకెక్కుతున్న ఈ సినిమా మార్చి 30వ తేదీన ప్రేక్షకుల ముందుకు రానుంది. ఇప్పటికే విడుదలైన పాటలు, ట్రైలర్లు.. సినిమాపై అంచనాలను భారీగా పెంచేశాయి. ఇదిలా ఉండగా.. ఈ చిత్రానికి వస్తున్న ఆదరణను ఓ రెస్టారెంట్ యజమాని తన దైనశైలిలో ఉపయోగించుకుంటున్నాడు.
తెలుగు రాష్ట్రాల్లో ఈ సినిమా పేరు తెలియని వాళ్లు ఎవరూ ఉండరు అనడంలో అతిశయోక్తిలేదు. అంతగా ప్రాచుర్యం పొందింది. దీంతో.. సినిమా పేరును తన రెస్టారెంట్ కి పెట్టుకొని ఓ వ్యక్తి లబ్ధి పొందుతున్నాడు. హైదరాబాద్ నగరంలోని కోంపల్లి పరిసర ప్రాంతాల్లో ఈ రెస్టారెంట్ ని ఏర్పాటు చేశారు. రెస్టారెంట్ పేరు ప్రస్తుతం ఆ పరిసర ప్రాంత ప్రజలను తెగ ఆకర్షిస్తోంది. బిజినెస్ కూడా బాగా జరుగుతుందని సమాచారం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండిLast Updated Mar 29, 2018, 3:52 PM IST
