ఆంధ్రప్రదేశ్ లో కొనసాగుతున్న ప్రత్యేక హోదా ఉద్యమానికి కాంగ్రెస్ అధ్యక్షుడు రాహుల్ గాంధీ మద్దతుప్రకటించారు. అంతేకాదు, 2019లో తమ ప్రభుత్వం అధికారంలోకిరాగానే మొట్టమొదట చేసేపని ఆంధ్రప్రదేశ్ కు ప్రత్యేక హోదా ఇవ్వడమే నని ఆయన  ప్రకటించారు. సిపిఐ,సిపిఎంలతోకలసి కాంగ్రెస్ ఎంపిలు,మాజీ  ఎంపిలు ఈ రోజు  ఢిల్లీలో ప్రత్యేక హోదా కోరుతూ ధర్నా చేశారు. ఈ ధర్నా దగ్గరుకు రాహుల్ గాంధీ వచ్చి ఈప్రకటన చేశారు. ఈ కార్యక్రమంలో సిపిఐ రాష్ట్ర కార్యదర్శి రామకృష్ణ, సిపిఎం కార్యదర్శి పి మధు, పిసిసి అధ్యక్షుడు డా. ఎన్ రఘువీరా రెడ్డి లు కూడా పాల్గొన్నారు.