కల్లు మజా చూసిన సిపిఐ నారాయణ
సిపిఐ నారాయణ రూటే వేరు...
సిపిఐ సీనియర్ నాయకుడు నారాయణ తాను నమ్మిందాన్ని చేసేందుకు, అనుకున్నది చెప్పేందుకు జంకడు. అందుకే నారాయణ పార్టీ, సిద్దాంతాలు నచ్చని వాళ్లు కూడా ఆయన్ని అభిమానిస్తారు. ఆయన ఒకవిధంగా అజాత శత్రువు. ఆ మధ్య చికెన్ ఇష్టపడి తిని చికెన్ నారాయణ అనిపించుకున్నారు. ఇపుడు ఆయన సరదాగా కల్లు తాగారు. సీపీఐ జాతీయ సమితి సమావేశాల కోసం ఆయన విజయవాడ వచ్చారు. ఈ ఉదయం అమరావతి పరిసరాలలో గడిపారు. అక్కడ పోద్దునే సైక్లింగ్ చేశారు. తర్వాత దారిలో సరదాగా గ్లాసెడు తాటికల్లు సేవించారు. ఆ తర్వాత సైకిల్ తొక్కుకుంటూ వెలగపూడి సెక్రెటేరియట్ కు వచ్చారు.తాత్కాలిక సెక్రేటేరియట్ చూద్దామని ప్రాంగణంలోకి వచ్చారు. ఆ సమయంలో ఎవరూ ఉండరని ఎస్పిఎఫ్ సిబ్బంది నారాయణకు చెప్పారు. దీనితో ఆయన లాన్లో కాసేపు గడిపి బయటకు వచ్చారు.