ఆనంద్ మహీంద్రాను కలిచివేసిన వీడియో ఇది..
- చిన్నిరిని చూసి స్ఫూర్తి పొందిన బిజినెస్ టైకూన్ ఆనంద్ మహీంద్రా
- వైరల్ గా మారిన ఆయన పోస్టు చేసిన వీడియో
మహీంద్రా అండ్ మహీంద్రా గ్రూపు ఛైర్మన్ ఆనంద్ మహీంద్రా ఓ పెద్ద బిజినెస్ టైకూన్ అనే విషయం అందరికీ తెలిసిందే. అలాంటి ఆయన ఓ చిన్నారి నుంచి స్ఫూర్తి పొందారు. ఈ విషయాన్ని ఆయనే ట్విట్టర్ వేదికగా తెలియజేశారు. దీనికి సంబంధించిన ఆయన ట్విట్టర్లో పోస్టు చేసిన ఓ వీడియో వైరల్ గా మారింది. ఆ వీడియో తనను కలిచివేసిందని ఆయన ట్వీట్ చేశారు.అంతేకాదు.. ఆ వీడియోలోని ఆ చిన్నారి నుంచి తాను స్ఫూర్తి పొందినట్లు ఆయన చెప్పారు. వివరాల్లోకి వెళితే..
At first I couldn't bear to look & then I was left feeling uplifted. I don't think I will ever complain again about any job being too hard.. pic.twitter.com/06mzMAxxjp
— anand mahindra (@anandmahindra) 11 September 2017
మహీంద్రా అండ్ మహీంద్రా గ్రూపు ఛైర్మన్ ఆనంద్ మహీంద్రా తన ట్విటర్‌ ఖాతాలో ఓ వీడియో పోస్టు చేశారు. దీనిలో ఓ చిన్నారి పదేపదే జారుడుబల్ల ఎక్కి జారుతూ ఆనందంగా ఆడుకుంటుంది. అక్కడికి వచ్చిన మరో చిన్నారికి కాళ్లు, చేతులు లేవు. అయినా జారుడు బల్ల ఎక్కాలని అనుకుంది. ఆ చిన్నారి బలమైన కోరిక ముందు అంగవైకల్యం కూడా చిన్నబోయింది. ఎంతో కష్టపడి ఆ చిన్నారి జారుడు బల్ల ఎక్కి అక్కడి నుంచి జారింది. ఆ సమయంలో చిన్నారి ముఖంలో ఆనందం వెల్లివిరిసింది. ఈ వీడియోను ఆనంద్ మహీంద్రా పోస్టు చేస్తూ.. ‘ముందు నేను చూడలేకపోయా.. ఆ తర్వాత పూర్తిగా చూసి ఆశ్చర్యపోయా. ఇక ప్రపంచంలో ఏ పనైనా కష్టమైనది అని నేనేప్పటికీ భావించను’ అని ట్వీట్ చేశారు.
కొద్దిసేపటికే ఈ వీడియో వైరల్‌గా మారింది. చిన్నారి ఆత్మవిశ్వాసానికి నెటిజన్లు ఫిదా అయ్యారు. ఎందరికో ఈ చిన్నారి స్ఫూర్తిదాయకం అని ప్రశంసల వర్షం కురిపిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
