అమెరికాలో బాంబు పేలుడు
- న్యూయార్క్ లో బాంబు పేలుడు
- పోర్ట్ అథారిటి బస్ టెర్మినల్ లో ఘటన
- పలువురు ప్రయాణికులకు తీవ్ర గాయాలు
అమెరికా న్యూయార్క్ లోని టైమ్స్ స్క్వేర్ సమీపంలో భారీ బాంబు పేలుడు జరిగింది. మాన్‌ హాటన్‌లోని పోర్ట్ అథారిటీ బస్ టెర్మినల్ వద్ద ఈ దుర్ఘటన జరిగింది.
అమెరికా కాలమానం ప్రకారం సోమవారం ఉదయం జరిగిన ఈ ప్రమాదంతో ప్రాణాపాయం సంభవించనప్పటికి పలువురు తీవ్రంగా గాయపడ్డారు. పేలుళ్ల ఘటనపై సమాచారం అందుకున్న పోలీసులు తక్షణమే స్పందించి సహాయక చర్యలు చేపట్టారు. అంతేకాకుండా ఈ పేలుళ్ల సమీపంలోని ఏ, సీ, ఈ వీథులను ఖాళీ చేయించి జాగ్రత్త చర్యలు చేపట్టారు. పలు అనుమానిత ప్రాంతాల్లోను బాంబు స్వ్కాడ్స్ చేరుకుని తనిఖీలు నిర్వహిస్తున్నారు.
అమెరికా భద్రతా అధికారులు కథనం ప్రకారం... బస్ టెర్మినల్ ప్రవేశంలో ఈ బాంబును అమర్చినట్లు అనుమానిస్తున్నారు. పైప్ బాంబు ద్వారా ఈ పేలుళ్లకు పాల్పడినట్లు సమాచారం. ఈ దారుణానికి బాధ్యుడిగా అనుమానిస్తున్న ఓ వ్యక్తిని పోలీసులు అరెస్టు చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
