గుడ్‌న్యూస్: మరో కరోనా వ్యాక్సిన్ విరాఫిన్‌కి డీసీజీఐ గ్రీన్‌సిగ్నల్
కరోనా రోగులకు అత్యవసరంగా వినియోగించుకొనేందుకు విరాఫిన్ అనే ఔషదాన్ని వినియోగించుకొనేందుకు కేంద్రం శుక్రవారం నాడు అనుమతించింది.
న్యూఢిల్లీ: కరోనా రోగులకు అత్యవసరంగా వినియోగించుకొనేందుకు విరాఫిన్ అనే ఔషదాన్ని వినియోగించుకొనేందుకు కేంద్రం శుక్రవారం నాడు అనుమతించింది. జైడస్ కంపెనీ ఈ మందును తయారు చేసింది. డీసీజీఐ విరాఫిన్ మందును ఇండియాలో ఉపయోగించుకొనేందుకు అనుమతిస్తున్నట్టుగా ఇవాళ ప్రకటించింది.
విరాఫిన్ తో చికిత్స పొందిన రోగుల్లో 91.15 శాతం ఫలితాలు వచ్చినట్టుగా జైడస్ సంస్థ తెలిపింది. మధ్యస్థ కరోనా లక్షణాలు ఉన్న రోగుల్లో ఈ మందు అద్భుత ఫలితాలను ఇస్తోందని తెలిపింది. కరోనా రోగులపై సింగిల్ డోస్‌తోనే ఈ ఔషదం పనిచేయనుందని ఆ సంస్థ ప్రకటించింది. కరోనా రోగులు వేగంగా కోలుకోవడంతో పాటు ఇతర సమస్యలను నివారించేందుకు ఈ మందు పనిచేస్తోందని జైడస్ సంస్థ తెలిపింది.
వైద్య నిపుణుల పర్యవేక్షణలోనే ఈ మందును ఉపయోగించాల్సి ఉంటుంది. దేశంలోని 20 నుండి 25 కేంద్రాల్లో మల్టీ సెంట్రిక్ ట్రయల్ లో విరాఫిన్ ఔషధం ఉపయోగించిన రోగుల్లో ఆక్సిజన్ సంబంధమైన సమస్యలు తక్కువగా వచ్చినట్టుగా తెలిపారు.శ్వాస సంబంధమైన ఇబ్బందులను కూడ ఈ మందు నివారించినట్టుగా ఆ కంపెనీ వివరించింది. కరోనాతో బాధపడుతున్న రోగులపై ఈ మందు బాగా ప్రభావం చూపుతోందని ఆ కంపెనీ వివరించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
