రూ.5 కే కిలో గోధుమపిండి, రూ.6 కే కిలో బియ్యం, రూ.18 కే కిలోచక్కెర ... ఎక్కడో తెలుసా?
ప్రయాగరాజ్ మహా కుంభమేళాకు వచ్చే భక్తులుకు ఆకలిబాధ లేకుండా ఏర్పాట్లు చేస్తోంది యోగి సర్కార్. ఇందుకోసం అతి తక్కువ ధరకే నిత్యావసర వస్తువులను అందించేందుకు చర్యలు తీసుకుంది.
Followమహాకుంభ నగర్ : ప్రయాగరాజ్ కుంభమేళాలోని అఖాడాలు, సంస్థలు, కల్పవాసులకు అతి తక్కువధరకే ఆహార ధాన్యాలను అందించేలా ఏర్పాట్లు చేసింది యోగి సర్కార్. ఇంత పెద్దఎత్తున నిర్వహించే కుంభమేళాలో ఎవ్వరూ ఆకలితో అలమటించకుడా అతి తక్కువ ధరకు ఆహార ధాన్యాలు అందించనున్నారు. సీఎం యోగి ఆదేశాల మేరకు కుంభమేళాలో కేవలం 5 రూపాయలకే గోధుమపిండి, 6 రూపాయలకే బియ్యం అందించనున్నారు. దీనికోసం మేళా ప్రత్యేకంగా 138 రేషన్ షాపులను ఏర్పాటు చేశారు.
కిలో చక్కెర 18 రూపాయలే
ముఖ్యమంత్రి యోగి ఆదిత్యనాథ్ ఈసారి కుంభమేళాను సరికొత్తగా నిర్వహించేందుకు కృషి చేస్తున్నారు. ఈ మేరకు అధికారులకు అన్ని ఏర్పాట్లు చేయాలని ఆదేశించారు. ముఖ్యంగా భక్తుల భోజనానికి ప్రత్యేక ఏర్పాట్లు చేశారు. మేళా ప్రాంతంలో 138 రేషన్ షాపులను ఏర్పాటు చేసి 1.2 లక్షల తెల్ల రేషన్ కార్డులు జారీ చేయనున్నారు. ఈసారి కల్పవాసులు, అఖాడాలు, సంస్థలకు చాలా తక్కువ ధరకు ఆహార ధాన్యాలు అందిస్తున్నారు. కుంభమేళాలో అఖాడాలు, కల్పవాసులకు కిలో గోధుమపిండి రూ.5, కిలో బియ్యం రూ.6కి అందిస్తున్నారు. అంతేకాకుండా కిలో చక్కెర రూ.18కి అందిస్తున్నారు. అఖాడాలు, సంస్థలకు 800 పర్మిట్లు ఇస్తున్నారు.
అన్నపూర్ణ కోసం ఐదు గోదాములు
కుంభమేళాలో అఖాడాలు, కల్పవాసులు, సంస్థలకు ఆహార సమస్య రాకుండా మేళా ప్రాంతంలో 138 షాపుల్లో ప్రత్యేక ఏర్పాట్లు చేశారు. అన్నపూర్ణ కోసం ఐదు గోదాములను ఏర్పాటు చేశారు. ఈ గోదాముల్లో 6000 మెట్రిక్ టన్నుల గోధుమపిండి, 4000 మెట్రిక్ టన్నుల బియ్యం, 2000 మెట్రిక్ టన్నుల చక్కెర నిల్వ ఉంచారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
