బెంగళూరులోని ఓ వెంకటేశ్వర స్వామి ఆలయం నుంచి ఓ మహిళను జుట్టు పట్టుకుని బయటకు ఈడ్చుకువచ్చారు. తాను వెంకటేశ్వరుడి భార్యను అని, అతని విగ్రహం పక్కన కూర్చుంటానని పట్టుబట్టడంతో అర్చకులు అడ్డుకున్నారు. ఇలా వారించడంతో వారిపై ఆమె ఉమ్మివేసింది. ఆ తర్వాత ఓ వ్యక్తి ఆమెను బయటకు ఈడ్చుకెళ్లాడు.
బెంగళూరు: కర్ణాటకలోని ఓ వెంకటేశ్వర ఆలయం నుంచి మహిళను ఈడ్చుకెంటూ బయటకు తీసుకెళ్లారు. వెంకటేశ్వర స్వామికి తాను మరో భార్యను అని పేర్కొంటూ విగ్రహం పక్కన కూర్చోవడానికి పట్టుబట్టిన ఆ మహిళను ఆలయ పురోహితులు అడ్డుకున్నారు. ఈ క్రమంలో ఆమె ఓ పురోహితుడిపై ఉమ్మివేసింది. దీంతో అక్కడే ఉన్న ఓ వ్యక్తి ఆమెను జుట్టు పట్టుకుని ఈడ్చుకుంటూ బయటకు తీసుకెళ్లారు. మధ్యలో ఆమె అతడిని ప్రతిఘటించి ఆపగానే అతడు ఆమెను చేతితో కొట్టడం మొదలు పెట్టాడు. ఆ తర్వాత కూడా ఆమెను బయటకు లాక్కెళ్లాడు. ఇందుకు సంబంధించిన వీడియో ఒకటి సోషల్ మీడియాలో పోస్టు అయింది. డిసెంబర్ 21న జరిగిన ఈ వీడియో ఆలస్యంగా వెలుగులోకి వచ్చింది. ఆమె అమృతహల్లి పోలీసు స్టేషన్లో ఫిర్యాదు చేయడంతో ఘటన బయటకు వచ్చింది.
ఆలయం నుంచి దారుణంగా ఆమెను బయటకు ఈడ్చుకెళ్లిన తర్వాత ఆ వ్యక్తి ఆమెపై దాడి చేయడానికి ఒక రాడ్ను వెతికి తెచ్చారు. ఆ రాడ్తో కొట్ట ప్రయత్నం చేశాడు. ఇంతలో మొదటి నుంచీ ఇదంతా చూస్తూనే ఉన్న ఓ పురోహితుడు అడ్డు వచ్చాడు.
ఆమె మానసికంగా అనారోగ్యంతో ఉన్నారని స్థానికులు కొందరు చెబుతున్నారు. గురువారం ఆమె పోలీసులను ఆశ్రయించి తనపై జరిగిన దాడిపై ఫిర్యాదు చేశారు. పోలీసులు సంబంధిత సెక్షన్ల కింద కేసు నమోదు చేశారు. ఈ ఘటన బెంగళూరులోని ఓ వెంకటేశ్వర స్వామి ఆలయంలో చోటుచేసుకుంది.
