Asianet News TeluguAsianet News Telugu

లూడో గేమ్‌ వ్యసనం.. ఆమెపైనే బెట్ వేసుకుని ఓనర్ చేతిలో ఓడిన మహిళ.. భర్తకు తిప్పలు

ఉత్తరప్రదేశ్‌లో ఓ మహిళ రోజూ తన ఇంటి యజమానితో లూడో గేమ్ ఆడేది. అందులో తన భర్త పంపిన డబ్బులను బెట్టింగ్ పెట్టి ఆడేది. ఓ రోజు డబ్బులన్నీ అయిపోవడంతో తనపైనే బెట్ పెట్టుకుంది. అందులోనూ ఓడిపోయింది. విషయం తెలుసుకున్న భర్త ఇంటికి తిరిగివచ్చి పోలీసులకు ఫిర్యాదు ఇచ్చాడు. 
 

woman bets herself in ludo game loses to landlord, husband returns and lodges police complaint
Author
First Published Dec 5, 2022, 3:00 PM IST

లక్నో: ఉత్తరప్రదేశ్‌లో లూడో గేమ్ వ్యసనం ఓ మహిళ కాపురాన్నే దెబ్బతీసింది. భర్త కష్టపడి పంపించిన డబ్బులను ఆమె లూడో గేమ్ ఆడటంలో ఖర్చు పెట్టింది. డబ్బులన్నీ అయిపోవడంతో ఏకంగా తనపైనే బెట్ వేసుకుంది. తన ఇంటి యజమానితో ఆడిన ఆ గేమ్‌లోనూ ఆమె ఓడిపోవడంతో భర్తకు తిప్పలు మొదలయ్యాయి.

ఉత్తరప్రదేశ్ ప్రతాప్‌గడ్‌లో రేణు అనే మహిళ నివసిస్తున్నది. నగర్ కొత్వాలీలోని దేవకలి ఏరియాలో అద్దె ఇంటిలో నివసిస్తున్నది. ఆమె భర్త రాజస్తాన్‌ రాజధాని జైపూర్‌లో పని చేస్తాడు. వీరిద్దరికీ ఇద్దరు పిల్లలు.

ఆ మహిళ లూడో గేమ్‌కు బానిసైంది. రెగ్యులర్‌గా ఆమె ఇంటి యజమానితో లూడో గేమ్ ఆడటం మొదలు పెట్టింది. ఓ రోజు ఆమె లూడో గేమ్‌లో బెట్టింగ్ పెట్టి తన డబ్బులు అన్నీ పోగొట్టుకున్నది. దీంతో ఆమె తన పైనే బెట్ పెట్టుకున్నది. అందులోనే తన ఇంటి యజమానితో ఓడిపోయింది.

Also Read: తండ్రి ఫోన్ లో ఆన్ లైన్ గేమ్స్ ఆడుతూ.. రూ.39 లక్షలు ఖాళీ చేసిన కొడుకు...

అనంతరం, ఆ మహిళ తన భర్తకు ఫోన్ చేసి జరిగిన విషయాన్ని మొత్తంగా వివరించింది. ఇది విని ఆమె భర్త వెంటనే జైపూర్ నుంచి ప్రతాప్‌గడ్‌కు వచ్చేశాడు. పోలీసులకూ ఫిర్యాదు చేశాడు. ఇందుకు సంబంధించిన ఘటనను వివరిస్తూ ఆయన ఓ వీడియోను సోషల్ మీడియాలో పోస్టు చేశాడు. ఆ వీడియో కూడా వైరల్ అయింది.

రేణు భర్త మాట్లాడుతూ, తాను దేవకలిలో ఓ ఇంటిని అద్దెకు తీసుకున్నానని, ఆరు నెలల క్రితమే జైపూర్‌కు వెళ్లి పని చేస్తున్నానని చెప్పాడు. అక్కడి నుంచే తన భార్యకు డబ్బులు పంపిస్తున్నా అని వివరించాడు. కానీ, ఆ డబ్బులను తన భార్య గ్యాంబ్లింగ్‌కు వినియోగించుకుందని తెలిపాడు. డబ్బులు అన్నీ అయిపోయాక ఆమె పైనే బెట్టింగ్ పెట్టుకున్నదని వివరించాడు. ఆ గేమ్‌లోనూ ఓడిపోయిందని పేర్కొన్నాడు.

ఇప్పుడు తన భార్య.. ఇంటి యజమానితో నివసించడం మొదలు పెట్టిందని ఆయన తెలిపాడు. అతడిని వదిలిపెట్టేలా చేయడానికి తాను ప్రయత్నించానని వివరించాడు. కానీ, ఆమె అందుకు సిద్ధంగా లేదని అన్నాడు.

ఈ ఘటనపై పోలీసు అధికారి సుబోధ్ గౌతమ్ స్పందించారు. ఆ వ్యక్తిని కలిసే ప్రయత్నం చేస్తున్నామని వివరించారు. అతడిని కలిసిన తర్వాత ఇన్వెస్టిగేషన్ మొదలు పెడతానని చెప్పారు.

Follow Us:
Download App:
  • android
  • ios