Asianet News TeluguAsianet News Telugu

వైరల్ ఫొటో : డీఎస్పీ కొడుకు, ఎస్సై తల్లి... సెల్యూట్ చేస్తున్న ఆమె కళ్లలో ఆనందానికి నెటిజన్లు ఫిదా...

ఈ మధ్య కాలంలో ఉద్యోగరీత్యా కొడుకును తండ్రి గౌరవించడం, ఉన్నతాధికారి అయిన కుమార్తెకు తండ్రి సెల్యూట్ చేయడం వంటి సన్నివేశాలను మనం చూశాం. అయితే ఇప్పుడు మనం చూడబోయే ఓ చిత్రంలో కన్నతల్లి, ఉన్నతాధికారి అయిన కొడుకుకు సెల్యూట్ చేస్తూ మురిసిపోతుంటుంది. 

Viral Photo : Deputy Superintendent Of Police Son and Sub-Inspector Mom Salute Each Other in gujarat
Author
Hyderabad, First Published Aug 21, 2021, 8:17 AM IST

గాంధీనగర్ : పిల్లలు జీవితంలో ఉన్నత శిఖరాలను అధిరోహిస్తే.. సహజంగానే తల్లిదండ్రుల ఆనందానికి అవధులుండవు. అయితే, పిల్లలను తాము గౌరవించాల్సిన ఉన్నత స్థితికి వారు చేరుకుంటే తల్లిదండ్రులకు పట్టపగ్గాలు ఉండవని ప్రత్యేకించి చెప్పాల్సిన అవసరం లేదు. 

ఇలా ఈ మధ్య కాలంలో ఉద్యోగరీత్యా కొడుకును తండ్రి గౌరవించడం, ఉన్నతాధికారి అయిన కుమార్తెకు తండ్రి సెల్యూట్ చేయడం వంటి సన్నివేశాలను మనం చూశాం. అయితే ఇప్పుడు మనం చూడబోయే ఓ చిత్రంలో కన్నతల్లి, ఉన్నతాధికారి అయిన కొడుకుకు సెల్యూట్ చేస్తూ మురిసిపోతుంటుంది. 

వివరాల్లోకి వెడితే.. గుజరాత్ లోకి అరవల్లి ప్రాంత డీఎస్పీకి (పోలీస్ శాఖ), స్వాతంత్ర దినోత్సవం సందర్భంగా ఓ మహిళా ఏఎస్సై సెల్యూట్ చేస్తుంది. ఇందులో విశేషం ఏముందని అనుకుంటున్నారా? అక్కడ పరస్పరం సెల్యూట్ చేసుకున్న వారు తల్లి కొడుకు కావడమే విశేషం. ఈ సందర్భంగా తల్లి మురిసిపోతూ, కళ్లనిండా ఆనందంతో కొడుకుకు సెల్యూట్ చేస్తున్న దృశ్యం హైలెట్ గా నిలిచింది. 

ఈ అపురూప దృశ్యాన్ని గుజరాత్ పబ్లిక్ సర్వీస్ కమీషనర్ చైర్మన్ దినేష్ దాస ట్వీట్ చేయడంతో సోషల్ మీడియాలో వైరల్ గా మారింది. మనస్సుకు హత్తుకునే ఈ ఫొటోకు నెటిజన్లు ఫిదా అవుతున్నారు. అమ్మ కళ్లలో అసలు సిసలైన ఆనందాన్ని చూడాల్సిందే అంటూ కామెంట్లు చేస్తున్నారు. 
 

Follow Us:
Download App:
  • android
  • ios