భార్యతో వీడియో కాల్‌లో గొడవ.. గర్ల్‌ఫ్రెండ్ ముందే షూట్ చేసుకుని ఆత్మహత్య
ఉత్తరప్రదేశ్‌లో ఓ వ్యక్తి తనతో దూరంగా ఉంటున్న భార్యతో వీడియో కాల్‌లో మాట్లాడాడు. ఆ వీడియో కాల్‌లో గొడవ జరిగింది. అప్పుడు ఆయనతో గర్ల్‌ఫ్రెండ్ కూడా ఉన్నది. ఆమె ముందే తుపాకీ తీసుకుని షూట్ చేసుకున్నాడు.
లక్నో: ఉత్తరప్రదేశ్‌లో ఓ దారుణ ఘటన చోటుచేసుకుంది. ఆ భార్య భర్తలు వేరువేరుగా జీవిస్తున్నారు. ఇంకా విడాకులు తీసుకోలేదు. కానీ, వేరుబడి ఉంటున్నారు. ఆ భర్త మరో మహిళతో కలిసి జీవిస్తున్నారు. ఓ రోజు భార్యతో ఆయన వీడియో కాల్ మాట్లాడాడు. ఆ వీడియో కాల్‌లో ఇద్దరికీ గొడవ జరిగింది. అక్కడ గర్ల్‌ఫ్రెండ్ కూడా ఉన్నది. వేరుగా ఉంటున్న భార్యతో గొడవ పడ్డ ఆయన ఆగ్రహంతో తుపాకీ తూసి గర్ల్‌ఫ్రెండే కాల్చుకున్నాడు. వెంటనే హాస్పిటల్ తీసుకెళ్లినా.. అప్పటికే అతను మరణించినట్టు వైద్యులు డిక్లేర్ చేశారు.
ఈ ఘటన ఉత్తరప్రదేశ్‌లోని బల్లియా జిల్లాలో గురువారం రాత్రి చోటుచేసుకుంది. ఈ విషయాన్ని యూపీ పోలీసులు శుక్రవారం వెల్లడించారు.
ఈ ఘటన గురించిసర్కిల్ ఆఫీసర్ ఆఫ్ పోలీసు వైభవ్ పాండే మాట్లాడారు. మృతి చెందినవ్యక్తి పేరు సోను అని వెల్లడించారు. సోను ఆయనకు దూరంగా ఉంటున్న భార్యతో తన గర్ల్‌ఫ్రెండ్ ముందే వీడియో కాల్ మాట్లాడాడు. ఆ వీడియో కాల్‌లో సోనుకు, ఆయన భార్యకు మధ్య ఘర్షణ జరిగింది. ఆ గొడవతో తీవ్ర ఆగ్రహానికి లోనయ్యాడు. వెంటనే కంట్రీ మేడ్ పిస్టల్ తీశాడు. తనపైనే ఎక్కుపెట్టుకుని షూట్ చేసుకున్నాడు.
Also Read: రాష్ట్రపతి ఆమోదంతో చట్టంగా మహిళా రిజర్వేషన్ బిల్లు.. గెజిట్ నోటిఫికేషన్ విడుదల చేసిన కేంద్రం
ఈ ఘటన గురించి సమాచారం తెలియగానే తాము స్పాట్‌కు వెళ్లినట్టు పోలీసులు తెలిపారు. పోలీసు బృందం సోనును జిల్లా హాస్పిటల్ తరలించారు. కానీ, సోను అప్పటికే మరణించినట్టు వైద్యులు తెలిపారు.
