యోగి సర్కార్ 'సేవ్ ట్రీ' ప్రచారం ... 36.80 కోట్ల మొక్కలను కాపాడే బాధ్యత
యోగి సర్కార్ కేవలం మొక్కలను నాటడమే కాదు నాటిన మొక్కలను కాపాడే పనిలో పడింది. ఇందుకోసం ప్రత్యేకంగా ఓ కార్యక్రమాన్ని చేపడుతోంది.
Followలక్నో : యోగి ప్రభుత్వం ఉత్తర ప్రదేశ్ లో ఇప్పటికే 36.80 కోట్ల మొక్కలను నాటిన విషయం తెలిసిందే. ఇప్పుడు ఈ మొక్కలను కాపాాడే పనిలో పడింది సర్కార్. ఇందులో భాగంగానే ప్రత్యేకంగా సేవ్ ట్రీ ప్రచారాన్ని ప్రారంభించింది. ఈ ప్రచారం అక్టోబర్ 3, 2024 నుండి జనవరి 14, 2025 వరకు కొనసాగుతుంది. ఇవాళ(మంగళవారం) అటవీ, పర్యావరణ శాఖల మంత్రి అరుణ్ కుమార్ సక్సేనా ఈ చెట్లను కాపాడేందుకు చేపట్టిన ప్రచారాన్ని ప్రారంభించారు. ఈ సందర్భంగా ఆయన సౌమిత్ర వనంలో నాటిన మొక్కలను పరిశీలించారు.
జిల్లాలను తనిఖీ చేయనున్న అటవీ మంత్రి
అక్టోబర్ 3 నుండి జనవరి 14 వరకు 'చెట్టు కాపాడు' ప్రచారం నిర్వహిస్తున్నట్లు అటవీ మంత్రి తెలిపారు. ఈ ప్రచారంలో భాగంగా భారీగా నాటిన మొక్కలను సంరక్షించనున్నట్లు తెలిపారు. రాష్ట్రంలో నాటిన అన్ని చెట్లను ప్రత్యేక శ్రద్ధతో చూసుకోవాలని ఆయన అధికారులను ఆదేశించారు, ఎందుకంటే ఈ చెట్లను తల్లుల పేరు మీద నాటారు... కాబట్టి తల్లి కంటే గొప్పవాళ్లు ప్రపంచంలో మరొకటి లేదని అన్నారు. ముఖ్యమంత్రి యోగి ఆదిత్యనాథ్ ఆదేశాల మేరకు తాను స్వయంగా జిల్లాలను సందర్శించి నాటిన మొక్కల పరిస్థితిని పరిశీలిస్తానని ఆయన అన్నారు. ఈ విషయంలో ఎలాంటి నిర్లక్ష్యాన్ని సహించేది లేదని ఆయన హెచ్చరించారు.
ఈ కార్యక్రమంలో ప్రధాన ప్రధాన అటవీ సంరక్షణ అధికారి సుధీర్ కుమార్ శర్మ, పిసిసిఎఫ్ వన్యప్రాణి సంజయ్ శ్రీవాస్తవ్, ఎండి ఫారెస్ట్ కార్పొరేషన్ సునీల్ చౌదరి, పిసిసిఎఫ్ యాక్షన్ ప్లాన్ అశోక్ కుమార్, ఉత్తరప్రదేశ్ ఫారెస్ట్ కార్పొరేషన్ జనరల్ మేనేజర్ సంజయ్ పాఠక్, సిసిఎఫ్ లక్నో మండలం రేణు సింగ్ తదితరులు పాల్గొన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
