ఇంటి నుంచి అదృశ్యం : మూడేళ్ల తర్వాత ట్రాన్స్‌జెండర్‌తో భర్త, పట్టించిన టిక్‌టాక్
ఈ మధ్యకాలంలో యూత్‌లో బాగా క్రేజ్ తెచ్చుకన్న టిక్ టాక్ యాప్‌పై నిషేధం విధించాలంటూ దేశ వ్యాప్తంగా డిమాండ్లు వచ్చిన సంగతి తెలిసిందే. అశ్లీల వీడియోలతో పాటు యువతపై దుష్ప్రభావం చూపిస్తుండటంతో టిక్‌టాక్‌పై సంప్రదాయవాదులు ఆగ్రహం వ్యక్తం చేశారు
ఈ మధ్యకాలంలో యూత్‌లో బాగా క్రేజ్ తెచ్చుకన్న టిక్ టాక్ యాప్‌పై నిషేధం విధించాలంటూ దేశ వ్యాప్తంగా డిమాండ్లు వచ్చిన సంగతి తెలిసిందే. అశ్లీల వీడియోలతో పాటు యువతపై దుష్ప్రభావం చూపిస్తుండటంతో టిక్‌టాక్‌పై సంప్రదాయవాదులు ఆగ్రహం వ్యక్తం చేశారు.
ఈ విషయం మద్రాస్ హైకోర్టు వరకు వెళ్లడంతో న్యాయస్థానం సైతం టిక్‌టాక్ యాప్‌పై నిషేధం విధించాలని ఆదేశాలు సైతం జారీ చేసి, ఆ తర్వాత దానిని ఎత్తివేసింది. ఈ సమయంలో టిక్ టాక్ యాప్ వల్ల ఓ జంటకు మేలు కలిగింది.
వివరాల్లోకి వెళితే.. తమిళనాడులోని కృష్ణగిరికి చెందిన సురేశ్, జయప్రద దంపతులకు ఇద్దరు పిల్లలు.. సాఫీగా సాగిపోతున్న వారి సంసారంలో ఒక కుదుపు.. మూడేళ్ల క్రితం 2016లో డ్యూటీకి అని బయటికి వెళ్లిన సురేశ్ ఆ తర్వాత తిరిగి ఇంటికి రాలేదు.
పలు చోట్ల గాలించిన ఆమెకు నిరాశే ఎదురైంది.. దీంతో చేసిది లేక పోలీసులకు ఫిర్యాదు చేసింది, అయినప్పటికీ ఎలాంటి ఫలితం లేదు. ఈ క్రమంలో కొన్ని రోజుల క్రితం జయప్రదకు తెలిసిన వారు ఒకరు టిక్ టాక్‌లో వీడియో చూస్తుండగా సురేశ్‌ను పోలిన వ్యక్తి ఆయన కంటపడ్డాడు.
ఒక ట్రాన్స్‌జెండర్‌తో పాటు అతనిని చూసిన ఆయన.. ఈ సంగతిని జయప్రదకు చేరవేశాడు. వీడియోను జాగ్రత్తగా గమనించిన ఆమె.. అందులో ఉంది తన భర్తేనని తేల్చేసింది.. క్షణం కూడా ఆలస్యం చేయకుండా పోలీసులకు ఈ సంగతి చెప్పింది.
దీంతో పోలీసులు హోసూరులో సురేశ్‌తో పాటు పక్కన వున్న ట్రాన్స్‌జెండర్ మహిళను అదుపులోకి తీసుకున్నారు. కుటుంబంలో ఎదురైన పరిణామాలు తనను తీవ్ర మనస్తాపానికి గురిచేశాయని అందుకే ఇళ్లు విడిచి పారిపోయానని సురేశ్ తెలిపాడు.
హోసూరు వెళ్లి ఓ ట్రాక్టర్ కంపెనీలో మెకానిక్‌గా చేరానని... అలాగే ట్రాన్స్‌జెండర్ మహిళతో ఉన్న సంబంధం గురించి కూడా చెప్పాడు. అంతా విన్న పోలీసులు సురేశ్, జయప్రదలకు కౌన్సెలింగ్ ఇచ్చి అనంతరం ఇంటికి పంపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
