Asianet News TeluguAsianet News Telugu

Bihar: మొబైల్ దొంగిలిస్తుండగా పట్టుకున్న ప్రయాణికులు.. ట్రైన్ కిటికీ నుంచి వేలాడిదీసిన వీడియో వైరల్

బిహార్‌లో ఓ ప్యాసింజర్ ట్రైన్ నుంచి మహిళ చేతి నుంచి ఫోన్ దొంగిలించే ప్రయత్నం చేసిన దొంగను ప్రయాణికులు వెంటనే పట్టుకున్నారు. ప్లాట్ ఫామ్ పై ఉన్న దొంగ చేతిని ఆ ప్రయాణికులు కిటికీ గుండా ట్రైన్ లోపలి నుంచి పట్టుకున్నారు. ట్రైన్ వేగం అందుకున్నా వారు వదిలిపెట్టలేదు. ఇందుకు సంబంధించిన వీడియో సోషల్ మీడియాలో వైరల్ అవుతున్నది.
 

thief caught through train window after he snatched mobile phone in bihar kms
Author
First Published Jan 17, 2024, 5:40 PM IST

Bihar Train: బిహార్‌లో ఓ దొంగ ట్రైన్‌లోని ప్రయాణికురాలి చేతిలో నుంచి ఫోన్ దొంగిలించే ప్రయత్నం చేశాడు. వెంటనే అప్రమత్తమైన ప్రయాణికులు కిటికీ వెలుపల ఉన్న దొంగ చేతిని అలాగే గట్టిగా పట్టుకున్నారు. ట్రైన్ రైల్వే స్టేషన్ దాటి వెళ్లుతున్నా వారు ఆ దొంగ చేయి వదల్లేదు. సుమారు ఒక కిలోమీటరు దూరం మేరకు దొంగను అలాగే కిటికీ నుంచి వేలాడదీస్తూ వెళ్లారు. మరికొందరు ప్రయాణికులు ఆ ఘటనను వీడియో తీశారు. ఇప్పుడు ఆ వీడియో సోషల్ మీడియాలో వైరల్ అవుతున్నది. ఈ ఘటన బిహార్‌లోని భగల్‌పూర్ స్టేషన్ సమీపంలో మంగళవారం జరిగినట్టుగా చెబుతున్నారు.

ఓ ప్యాసింజర్ ట్రైన్ భగల్‌పూర్ స్టేషన్ వచ్చి ఆగింది. ఓ మహిళ ఫోన్‌లో మాట్లాడుతున్నది. అది గమనించిన ఓ దొంగ ఆమె చేతిలో నుంచి ఫోన్ కొట్టేయాలని అనుకున్నాడు. ట్రైన్ మూవ్ అవుతుండగానే పరుగున వచ్చి ఆ ట్రైన్‌ లాక్కున్నాడు. ఇంతలోనే ప్రయాణికులు ఆ దొంగను పట్టుకున్నారు. అప్పుడు ప్రయాణికురాలు ట్రైన్ లోపలి వైపు ఉంటే.. దొంగ ప్లాట్ ఫామ్ పై ఉన్నాడు.

Also Read : Gudivada: సీనియర్ ఎన్టీఆర్ సీటుపై టీడీపీ ఫోకస్.. కొడాలి నాని టార్గెట్.. పోటాపోటీగా వర్ధంతి కార్యక్రమాలు

ట్రైన్ వేగం అందుకున్నా వారు ఆ దొంగను వదిలిపెట్టలేదు. ఆ దొంగ చేతిని బలంగా పట్టుకున్నారు. ఆ దొంగ తన చేయి విరిగిపోతుందని, దయచేసి తనను వదిలిపెట్టాలని వేడుకుంటున్నాడు. వారు మాత్రం గుణపాఠం చెప్పితీరాల్సిందే అన్నట్టుగా వదిలిపెట్టలేదు. అయితే, అంతలోపే ఎవరో చైన్ లాగగా ట్రైన్ స్లో అయింది. స్లో అవుతుండగానే కొందరు యువకులు ఆ దొంగను కొట్టడానికి వస్తున్నట్టుగా బిల్డప్ ఇచ్చారు. ట్రైన్ ఆగగానే ఆ దొంగను విడిపించుకుని మోసుకుని తీసుకెళ్లారు. వచ్చిన ఆ యువకులు కూడా దొంగ గ్యాంగే అని ప్రయాణికులు అంటున్న ముచ్చట్లు వీడియోలో వినిపించాయి. మొబైల్ ఫోన్ కోసం ప్రాణాలనే రిస్క్‌లో పెట్టడమా? అంటూ కొందరు నెటిజన్లు కామెంట్లు చేశారు.

Follow Us:
Download App:
  • android
  • ios