కరోనాకు విరుగుడంటూ.. కట్లపామును కసాబిసా కొరికి...చివరికి...
కరోనా నా? నాకెందుకు వస్తదిరా? ఈ పామును తింటా..! ఇంకా కరోనా కాదు కదా దానమ్మ కూడా నన్ను ఏం చేయలేదు.. అంటూ తాగిన మత్తులో ఓ వ్యక్తి చిందులేస్తూ.. చచ్చిన పామును కసాబిసా కొరికి తినేశాడు. ఈ జుగుస్సా కరమైన ఘటన తమిళనాడులో చోటుచేసుకుంది.
కరోనా నా? నాకెందుకు వస్తదిరా? ఈ పామును తింటా..! ఇంకా కరోనా కాదు కదా దానమ్మ కూడా నన్ను ఏం చేయలేదు.. అంటూ తాగిన మత్తులో ఓ వ్యక్తి చిందులేస్తూ.. చచ్చిన పామును కసాబిసా కొరికి తినేశాడు. ఈ జుగుస్సా కరమైన ఘటన తమిళనాడులో చోటుచేసుకుంది.
ఆ సమయంలో వీడియో తీసిన కొందరు దీన్ని వైరల్ చేయడంతో అధికారులు ఆగ్రహించారు. ఆ వ్యక్తిని ట్రేస్ చేసి అరెస్టు చేయడంతో పాటు.. ఫైన్ కూడా వేశారు.కరోనా కి విరుగుడు అంటూ ఓ వ్యక్తి చచ్చిన పామును తిన్నాడు. ఈ వీడియో తమిళనాడులో వాట్సప్ గ్రూపులలో వైరల్ అయింది.
ఫారెస్ట్ డిపార్ట్మెంట్ అధికారులు వెల్లడించిన వివరాల ప్రకారం.. మదురై జిల్లా పెరుమపట్టికి చెందిన వడివేలు ఒక వ్యవసాయ కూలీ. 50ఏళ్ల వయసున్న వడివేలు ఈ మధ్య ఒక రోజు చచ్చిన కట్లపాము ఒకదానిని పట్టుకొచ్చాడు. దీన్ని చేతిలో పట్టుకుని డాన్స్ చేశాడు.
పాము కరోనాకి విరుగేనంటూ.. ఇక తనకు కరోనా రాదు అంటూ వ్యాఖ్యలు చేస్తూ అందరూ చూస్తుండగానే ఆ దాన్ని నమలి తినేశాడు. అయితే ఈ ఘటనను కొంతమంది వీడియో తీసి వైరల్ చేశారు. జిల్లా ఫారెస్ట్ అధికారుల దాకా ఆ వీడియో చేరడంతో సైబర్ పోలీసులను ఆశ్రయించారు.
చివరికి వడివేలుని గుర్తించి అరెస్టు చేశారు. ఆ టైంలో అతను ఫుల్ గా తాగి ఉన్నాడని, అదృష్టవశాత్తు అతను విష గ్రంథిని కొరకలేదని అధికారులు వెల్లడించారు .కట్లపాము విషంలో న్యూరోటాక్సిన్స్ ఉంటాయని, అవి పక్షవాతాన్ని కలిగిస్తుందని ఫారెస్ట్ అధికారి ఒకరు వెల్లడించారు.
కాగా ఆ సమయంలో తాను మద్యం మత్తులో ఉన్నానని కొందరు బలవంతం చేసి ఆ పని చేయించారని వడివేలు వాపోతున్నాడు. వడివేలును అరెస్టు చేయడంతో పాటు ఏడు వేల రూపాయల ఫైన్ కూడా విధించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
