భవిష్యత్తులో కేంద్ర, రాష్ట్ర,యుటి ప్రభుత్వాలకు సంబంధించిన సంస్థలు ప్రత్యక్ష ప్రసారాలు లేదా బ్రాడ్కాస్టింగ్ కార్యకలాపాల పంపిణీలో పాల్గొనకూడదని కేంద్ర సమాచార & ప్రసార మంత్రిత్వ శాఖ పేర్కొన్నది.
కేంద్ర సమాచార, ప్రసార మంత్రిత్వ శాఖ సంచలన నిర్ణయం తీసుకుంది. కేంద్ర మంత్రిత్వ శాఖలు, రాష్ట్ర ,కేంద్ర పాలిత ప్రాంతాల ప్రభుత్వం యంత్రాంగాలు, వాటికి సంబంధించి సంస్థలు ప్రత్యక్ష ప్రసారాలు లేదా బ్రాడ్కాస్టింగ్ కార్యకలాపాల పంపిణీలో పాల్గొనకూడదని కేంద్ర సమాచార & ప్రసార మంత్రిత్వ శాఖ పేర్కొన్నది.
తాజాగా కేంద్ర సమాచార, ప్రసార మంత్రిత్వ శాఖ శుక్రవారం అడ్వైజరీ జారీచేసింది. ఈ ఆర్డర్ లో కేంద్ర,రాష్ట్ర ప్రభుత్వాలు, వాటికి సంబంధించిన సంస్థలు ప్రస్తుత ప్రసార పంపిణీ కార్యకలాపాల నుండి వైదొలగాలని అని పేర్కొంది. ఈ ప్రక్రియను డిసెంబర్ 31, 2023 నాటికి పూర్తి చేయాల్సి ఉంటుందని పేర్కొంది.
తాజా అడ్వైజరీతో ప్రభుత్వ యాజమాన్యంలోని టీవీ ఛానెల్ల భవిష్యత్తుపై ప్రశ్నలను లేవనెత్తుతోంది. తమిళనాడు ప్రభుత్వ యాజమాన్యంలోని ఎడ్యుకేషనల్ ఛానెల్ కల్వి తొలైకచ్చి, కేరళ ప్రభుత్వ యాజమాన్యంలోని ఫ్రీ-టు-ఎయిర్ చిల్డ్రన్స్ ఎడ్యుటైన్మెంట్ టెలివిజన్ ఛానెల్, కైట్ విక్టర్స్, తెలంగాణ ప్రభుత్వ రెండు టెలివిజన్ ఛానెల్లు విద్యా, నిపుణ ఈ నోటీసుల వల్ల ప్రభావితమవుతున్నాయి.
అలాగే.. Arasu Cable TV కార్పొరేషన్ అనే కేబుల్ డిస్ట్రిబ్యూషన్ కంపెనీని తమిళనాడు ప్రభుత్వం నిర్వహిస్తోంది. ఆంధ్రప్రదేశ్ ప్రభుత్వం నడుపుతున్న AP ఫైబర్నెట్ సర్వీస్ ఈ ఆదేశాలతో ప్రభావితమవుతాయి. భవిష్యత్తులో ఏ కేంద్ర ప్రభుత్వ మంత్రిత్వ శాఖలు లేదా విభాగాలు, రాష్ట్ర ప్రభుత్వాలు, కేంద్ర పాలిత ప్రాంతాలు మరియు సంబంధిత సంస్థలు ప్రసారాలు/ప్రసారాల పంపిణీ వ్యాపారంలోకి ప్రవేశించకూడదని అడ్వైజరీ పేర్కొంది.
నిర్ణయాన్ని అమలు చేయడానికి, కేంద్ర, రాష్ట్ర, కేంద్ర పాలిత ప్రాంతాల ప్రభుత్వాలు విద్యా ప్రయోజనాల కోసం ప్రసార వ్యాపారంలోకి ప్రవేశం కల్పించాలని, ప్రసార భారతి మార్గం ద్వారా, కేంద్ర, రాష్ట్ర, యుటికి సంబంధించిన కేంద్ర, రాష్ట్ర, యుటిల మధ్య తగిన ఒప్పందాల ద్వారా చేయాలని నిర్ణయించబడింది. ఇప్పటికే ఆయా కార్యకలాపాల్లో పాలుపంచుకొని ఉంటే..ఇకపై అది ప్రభుత్వ బ్రాడ్కాస్టర్ ‘ప్రసార భారతి’ ద్వారా మాత్రమే జరగాలని స్పష్టం చేసింది.
కేంద్ర ప్రభుత్వం, రాష్ట్ర/యుటి ప్రభుత్వ మంత్రిత్వ శాఖలు మరియు వాటికి సంబంధించిన సంస్థలు ఇప్పటికే ప్రసార కంటెంట్ను పంపిణీ చేస్తున్నట్లయితే, వారు పంపిణీ కార్యకలాపాల నుండి తమను తాము వైదొలగాలని అడ్వైజరీ పేర్కొంది
టెలికాం రెగ్యులేటరీ అథారిటీ ఆఫ్ ఇండియా (TRAI) 2008, 2012 మరియు 2015లో ఈ అంశంపై సిఫార్సులను జారీ చేసింది. 28 డిసెంబర్ 2012 నాటి TRAI యొక్క సిఫార్సులను I&B మంత్రిత్వ శాఖ మరియు న్యాయ మంత్రిత్వ శాఖ ఆమోదించింది.
ప్రసార భారతితో ఒప్పందం జరిగే వరకు ప్రస్తుత విద్యా ఛానెల్లు, ఇతర షెడ్యూల్డ్ కార్యక్రమాలను నిరంతరాయంగా ప్రసారం చేయవ మంత్రిత్వ శాఖ పేర్కొంది. క్రికెట్ అసోసియేషన్ ఆఫ్ బెంగాల్ (CAB) విషయంలో TRAI సిఫార్సులు సర్కారియా కమిషన్ సిఫార్సులు సుప్రీం కోర్టు తీర్పుపై ఆధారపడి ఉన్నాయి.
